اقپاراتقا قاراعاندا، ۇقشۇ بىتىمگەرلىك كۇشتەرىنىڭ "نەرۋشيموە براتستۆو-2022" جاتتىعۋى قىرعىزستان اۋماعىندا بيىل قازاندا ءوتۋى ءتيىس بولعان.

14-17 قىركۇيەكتە قىرعىزستان جانە تاجىكستان اراسىندا ءىرى قاقتىعىس بولعان. ناتيجەسىندە 63 قىرعىز ازاماتى قازا بولىپ، 200 ادام جارالانعان. تاجىكستانمەن شەكارالاس اۋدانداردا تۇراتىن 140 مىڭنان استام تۇرعىن ۇيلەرىن تاستاپ كەتۋگە ماجبۇر بولعان. 18 قىركۇيەكتە قىرعىزستان سىرتقى ىستەر مينيسترلىگى تاجىكستان تارابىن باسقىنشىلىق جاسادى دەپ ايىپتادى. تاجىكستان دا قىرعىز جاعىن كىنالادى.

تاجىكستان سىرتقى ىستەر مينيسترلىگى شەكاراداعى قاقتىعىستان 41 ادامنىڭ وپات بولعانىن مالىمدەدى. قۇپيا دەرەككوزگە سۇيەنگەن ازاتتىقتىڭ تاجىك قىزمەتى 74 تاجىك ازاماتىنىڭ قازا بولعانىن حابارلادى.

بۇدان سوڭ قىرعىزستان بيلىگى ۇقشۇ-نى تاجىكستانمەن شەكاراداعى جاعدايدى رەتتەۋ ءۇشىن بەلسەنە اتسالىسۋعا ۇندەگەن.

قىرعىزستان سونىمەن بىرگە ۇقشۇ-نى قارۋلى باسقىنشىلىققا جول بەرمەس ءۇشىن ۇيىمنىڭ جارعىلىق قۇجاتتارىن وزگەرتۋگە جانە مەملەكەتتەر اراسىنداعى قايشىلىقتاردى بەيبىت جولمەن شەشۋگە شاقىرعان.

ۇقشۇ-عا ارمەنيا، بەلارۋست، قازاقستان، قىرعىزستان، رەسەي جانە تاجىكستان مۇشە.

Abai.kz