«كورشىڭمەن تاتۋ بول» دەگەن حالقىمىزدىڭ جاقسى ءسوزى بار. اقپان ايىنان بەرى رەسەي مەن ۋكراينا اراسىنداعى جاعدايدىڭ ۋشىققالى ەلىمىزگە كەلىپ جاتقان بوسقىندار كوپ. ولاردىڭ ءبىزدىڭ ەلگە قانشاسى كەلگەنى، قايدا ورنالاسقانى جايىندا ازىرگە قولىمىزدا ناقتى مالەمەت جوق. بىراق وسىعان بايلانىستى قوعامنىڭ پىكىرى ەكىگە جارىلدى. مەنىڭشە، قازىر بوسىپ كەلىپ جاتقان قاراپايىم حالىق. سوندىقتان باسىنا ءىس تۇسكەندە كومەك قولىن سوزىپ، ادامگەرشىلىك تانىتقانىمىز دۇرىس. ونىڭ ۇستىنە سوڭعى ونجىلدىقتا ەۋروپاعا باس اۋعان بوسقىنداردىڭ تاجىريبەسىن كوردىك، سول سەبەپتى بۇل ماسەلەگە ادام بالاسى رەتىندە گۋمانيستىك تۇرعىدا قاراعانىمىز ءجون.

ارينە ەل ىشىندە  «ولار وسى كۇنگە دەيىن پرەزيدەنتتەرىنىڭ ساياساتىن ۇستاپ كەلدى. ەندى اسكەرگە شاقىرعاندا جان-جاققا قاشا جونەلدى. ولاردى بوسقىنداردىڭ قاتارىنا جاتقىزۋعا دا بولمايدى» دەگەن پىكىر دە بار. بىراق سولاردىڭ اراسىندا ءپۋتيننىڭ ساياساتىن قولدامايتىنى دا بار. بۇل ماسەلەگە ءبىر جاقتى قاراۋعا بولمايدى. ۇشىنشىدەن، وتىز جىل تاۋەلسىزدىگىمىزدە ۇلتتىق قۇندىلىقتارىمىزدى، ءتىلىمىزدى، تاريحي سانامىزدى قايتا جاڭعىرتىپ جاتقاندا ولاردىڭ بىزگە كەلۋى دەموگرافيالىق سالماققا وزگەرىس ەنگىزگەلى وتىر. ۇشىنشىدەن، ولاردىڭ جاپپاي قونىس اۋدۋرۋى ەلدەگى جالعا بەرىلەتىن، ساتىلاتىن پاتەرلەردىڭ باعاسى شارىقتادى. مىنە، وسىنىڭ ءبارى  جالعا الۋى مەن ساتىلاتىنىڭ باعاسى ۇشىپ كەتتى.  مىنە، وسىنىڭ ءبارى حالىقتى قوبالجىتىپ وتىر.

الايدا وسىعان بايلانىستى قابىلدانىپ جاتقان باستامالاردىڭ ءوز ەسەبى بار. ويتكەنى پرەزيدەنتىمىز ديپلوماتيا جاعىنان تاجىريبەسى مول ساياساتكەر. سوندىقتان ونىڭ باستى مىندەتى ەل ىشىندە تاتۋلىقتى، تىنىش زاماندى ساقتاپ قالۋ. ايتپەسە، ارعى جاعىمىزدا ميللياردتاعان كوشىمىز، بەرگى جاعىمىزدا 10 مىڭداعان حالقى بار كورشىمىز انتالاسا، ءبىز يلەنىپ كەتەمىز. سول سەبەپتى ۇلت رەتىندە ءوز-ءوزىمىزدى جاريالاپ، مەملەكەتىڭ ساياسي نەگىزىن كورسەتەيىك.

باقىتجان ساتەرشينوۆ

Abai.kz