پروكۋرور باۋىرجان شەكەنوۆ بۇرىنعى دەنساۋلىق ساقتاۋ ءمينيسترى ەلجان ءبىرتانوۆتى 6 جىلعا باس بوستاندىعىنان ايىرۋدى سۇرادى.

«ءبىرتانوۆتى قىلمىستىق كودەكستىڭ 361-بابى 4-بولىگى 3-تارماعىندا كوزدەلگەن قىلمىستى جاساعانى ءۇشىن كىنالى دەپ تانۋدى، مەملەكەتتىك قىزمەتتى اتقارۋ قۇقىعىنان ءومىر بويىنا ايىرىپ، 6 جىلعا باس بوستاندىعىنان ايىرۋ تۇرىندەگى جازانى تاعايىنداۋدى ۇسىنامىن»، - دەدى پروكۋرور.

سونداي-اق پروكۋرور ءبىرتانوۆ پەن ونىڭ بۇرىنعى ورىنباسارى ولجاس ابىشەۆتەن ءبىر جارىم ميلليارد تەڭگە ءوندىرىپ الۋدى سۇرادى.

ودان بولەك ءبىرتانوۆتان سانيتارلىق اۆياتسيا بورتىن پايدالانۋعا جۇمسالعان 5 ملن 503 مىڭ 721 تەڭگە ءوندىرىپ الۋدى ۇسىندى.

ەسكە سالا كەتسەك، ەكس-مينيستر ەلجان بىرتانوۆقا ۆەدومستۆو باسشىسى بولعان كەزدە ورىنباسارى ولجاس ابىشەۆپەن بىرگە جالعان اقپاراتتاندىرۋ پلاتفورماسىن ىسكە قوسۋ ارقىلى قىزمەت بابىن اسىرا پايدالاندى دەگەن ايىپ تاعىلدى. وسىلايشا، ايىپتاۋشى تاراپ ەكس-شەنەۋنىك مەملەكەتكە 1,5 ملرد تەڭگە كولەمىندە شىعىن كەلتىرگەنىن ايتتى.

Abai.kz