قازاقتىڭ بەس ارىسىنىڭ ءبىرى – ماعجان جۇماباەۆ «التى الاشتىڭ بالاسى باس قوسسا، ءتور مۇعالىمدىكى» دەگەن ەكەن. مەملەكەتتىڭ كەلەشەگى بولار جاس ۇرپاقتى تاربيەلەپ، ءبىلىم نارىمەن سۋسىنداتقان ۇستازداردىڭ موينىنا ارتىلار جۇك اۋىر. مۇعالىمنىڭ ءبىر مىندەتى بىلگەنىمەن ءبولىسۋ بولسا، ەكىنشى مىندەتى ءاردايىم كوشباسشىلىق قىرىن شىڭداپ، پەداگوگيكالىق ءبىلىمىن جەتىلدىرىپ، زامانا اعىمىنان قالماي ءجۇرۋ. بۇگىن الماتى ۇستازدارىنا سول مىندەتتى ىسكە اسىرۋدىڭ جاڭا مۇمكىندىگى اشىلدى. قالانىڭ جاس، جاڭالىققا جانى قۇمار مۇعالىمدەرى ءۇشىن «الماتى ۇستازى» بايقاۋى جاريالاندى.

الماتىداعى جالپى ءبىلىم بەرەتىن مەكتەپتەردە جۇمىس ىستەپ جۇرگەن مۇعالىمدەر كونكۋرسقا قاتىسىپ، 5 000 000 تەڭگە باس جۇلدەنى ۇتىپ الا الادى. ال جارىستىڭ فينالدىق كەزەڭىنە شىققان بەس پەداگوگ فينليانديا ەلىنىڭ الەمدىك قاۋىمداستىق مويىنداعان ءبىلىم بەرۋ مەكەمەلەرىنەن تاعىلىمدامادان وتۋگە مۇمكىندىك الادى.

جارىستىڭ نەگىزگى ماقساتى – قالاداعى مەملەكەتتىك جالپى ءبىلىم بەرەتىن مەكتەپتەردىڭ دەڭگەيىن ارتتىرۋ. كونكۋرستى ۇيىمداستىرۋشىلاردىڭ ايتۋىنشا، الماتى وزىق ءبىلىم بەرۋ تەحنولوگيالارىنىڭ ورتالىعى بولۋعا دايىندالۋ ۇستىندە، مۇعالىمدەردى يننوۆاتسيالاردى باتىل پايدالانۋعا جانە بالالارعا جاقىن بولۋ ءۇشىن زاماناۋي كونتەنت جاساۋعا شاقىرادى.

"مۇعالىم وقۋشىلاردى شابىتتاندىرىپ، جەتىستىككە جەتەلەي ءبىلۋى كەرەك. بيىلعى وقۋ جىلىندا قالادا 32 مىڭنان استام ءبۇلدىرشىن ءبىرىنشى سىنىپقا اياق باستى. بۇل وتكەن جىلمەن سالىستىرعاندا 1000 مىڭ وقۋشىعا ارتىق. قالادا 210 مەملەكەتتىك مەكتەپ پەن 91 جەكە مەكتەپ جۇمىس ىستەيدى. «الماتى ۇستازى» بايقاۋى ۇزدىك حالىقارالىق سپيكەرلەردىڭ كاسىبي تسيفرلىق  تاجىريبەسىن بەرىپ قانا قويماي، قالىپتاسقان ءبىلىم بەرۋ جۇيەسىندەگى وقىتۋ ادىسىنە ءوزىنىڭ جاڭاشىل كوزقاراسىن اكەلەتىن زاماناۋي ءارى قۇزىرەتتى پەداگوگتاردىڭ قاۋىمداستىعىن قۇرۋعا جەتەلەيدى»،-دەيدى الماتى قالاسى ءبىلىم باسقارماسىنىڭ باسشىسى ءلاززات اۋەسحانقىزى جىلقىباەۆا.

بايقاۋدا باق سىناۋعا الماتىنىڭ 36 جاسقا دەيىنگى مەملەكەتتىك ءبىلىم بەرۋ ۇيىمدارىندا وقۋ جوسپارىنىڭ بارلىق پاندەرى بويىنشا 1-12 سىنىپ مۇعالىمدەرى قاتىسا الادى. ول ءۇشىن الدىمەن قاراپايىم ءۇش شارتتى ورىنداۋى كەرەك. ءبىرىنشىسى، ەلەكتروندىق تىركەۋدەن ءوتىپ، ساۋالنامانى تولتىرۋ; ەكىنشىسى، جۇمىس ءوتىلى كورسەتىلگەن جۇمىس ورنىنان انىقتامانىڭ تۇيىندەمەسىن، فوتوسۋرەتىن، سكانەر-كوشىرمەسىن جۇكتەۋ; ءۇشىنشىسى، اكادەميالىق ادالدىق ەرەجەلەرىن ساقتاۋ.

جارىس ءۇش كەزەڭنەن تۇرادى. ءبىرىنشى كەزەڭدە، "مەنىڭ وقىتۋ فيلوسوفيام" تاقىرىبىندا مۋلتيمەديالىق ماقالا ازىرلەۋ; ەكىنشى كەزەڭدە، "كاسىبي مۇعالىم" كونكۋرستىق ساباعىن وتكىزۋ; ءۇشىنشى كەزەڭدە، ءوزىنىڭ پەداگوگيكالىق تاجىريبەسى مەن شەبەرلىگىن كورسەتەتىن «مەن كوشباسشى ۇستازبىن»تاقىرىبىندا اۆتورلىق شەبەرلىك ساباقتارىن وتكىزۋى كەرەك.

بايقاۋدىڭ ءوتۋ بارىسىندا مۇعالىمدەر ءبىلىم بەرۋ سالاسىنداعى حالىقارالىق سپيكەر-كوشباسشىلاردىڭ ۆەبينارلارى مەن ماستەر-كلاستارىنا قاتىسادى. ولاردىڭ ىشىندە، اقش-تىڭ ءبىلىم بەرۋدەگى ەڭ ءىرى ISTE تسيفرلىق كومپانياسىنىڭ ديرەكتورى ريچارد كۋلاتا; ەستونيالىق ءبىلىم بەرۋ تەحنولوگى، بلوگەر، مۇعالىمدەر جاتتىقتىرۋشىسى ليۋدميلا روجدەستۆەنسكايا، حيميا ءپانىنىڭ مۇعالىمى، ادىسكەر-جاتتىقتىرۋشى، Digital Ustaz Almaty بايقاۋىنىڭ ءفيناليسى بازارقىزى بۇلسايران; تاريح ءپانىنىڭ مۇعالىمى، Digital Ustas Almaty بايقاۋىنىڭ جەڭىمپازى، تاريح وقۋلىقتارىنىڭ اۆتورى، حالىقارالىق ەمتيحان الۋشى ساعىنعالي قاليەۆ; ديرەكتوردىڭ وقۋ-ادىستەمەلىك جۇمىسى جونىندەگى ورىنباسارى، Instagram, Telegram جانە YouTube-تاعى "بۋدني زاۆۋچا" ارنالارىنىڭ اۆتورى الينا الىمباەۆا; نازارباەۆ زياتكەرلىك مەكتەبى ينفورماتيكا ءپانىنىڭ مۇعالىمى، دانياداعى STEM Teacher AwardWinner 2017 حالىقارالىق سىيلىعىنىڭ جەڭىمپازى، STEM ساراپشىسى، ينكليۋزيۆتى ءبىلىم بەرۋ بويىنشا سەرتيفيكاتتالعان جاتتىقتىرۋشى ماقپال مۇقانوۆا بولادى.

كونكۋرسقا قاتىسۋعا وتىنىمدەردى قابىلداۋ 1 تامىزدا باستالعان. ول 11 قىركۇيەكتە ساعات 23:59-دا اياقتالادى.

مۇنداي اۋقىمدى بايقاۋ جاس ۇستازدىڭ ءبىلىم كوكجيەگىن كەڭەيتىپ قانا قويماي، ماماندىعىنا دەگەن سۇيىسپەنشىلىگىن ودان ءارى ارتتىراتىنى ءسوزسىز.

بىلتىر دا الماتى قالاسىندا پەداگوگتاردىڭ كاسىبي شەبەرلىك دەڭگەيىن جاقسارتۋعا باعىتتالعان Digital Ustaz Almaty سايىسى وتكەن بولاتىن. بايقاۋ مەكتەپتەگى وقىتۋدى تسيفرلاندىرۋدى ناسيحاتتاۋعا جانە الماتى قالاسىنىڭ ۇزدىك digital-مۇعالىمدەرىن انىقتاۋعا ارنالدى. ناتيجەسىندە Galaxy International School گۋمانيتارلىق عىلىمدار كافەدراسىنىڭ مەڭگەرۋشىسى، تاريح ءپانىنىڭ مۇعالىمى ساعىنعالي قاليەۆ جەڭىمپاز اتاندى.

نازارباەۆ زياتكەرلىك مەكتەپتەرىنىڭ باسپاسىنا ارنالعان 9 جانە 10 سىنىپتاردىڭ دۇنيەجۇزىلىك تاريح وقۋلىقتارىنىڭ اۆتورى، حالىقارالىق ءبىلىم بەرۋ جۇيەلەرى International Baccalaureate Organization جانە Cambridge International Examinations – A-Levels-ءتىڭ ەمتيحان الۋشىسى ساعىنعالي قاليەۆ Digital Ustaz Almaty كونكۋرسىنىڭ جەڭىمپازى رەتىندە لوندون قالاسىنا تاجىريبە الماسۋعا بارىپ كەلدى.

«الماتى مەكتەپتەرى بۇگىنگى كۇننىڭ عانا ەمەس، ەرتەڭگى كۇننىڭ دە ەڭ جوعارى تالاپتارىنا ساي بولۋى ءتيىس. بۇل ءۇشىن كوپ جۇمىس اتقارىلۋدا. ماسەلەن، بيىل ءبىز 150 مەكتەپتى قامتي وتىرىپ، "الماتى مەكتەپتەرى" 3 جىلدىق باعدارلاماسىن ىسكە قوستىق، ونىڭ قورىتىندىسى بويىنشا 450 باسقارۋشى قايتا كاسىبي دايارلاۋدان وتەدى، 15 000-نان استام پەداگوگ ءوز بىلىكتىلىگىن ارتتىرادى. "الماتى مەكتەپتەرى" باعدارلاماسىندا Digital Ustaz Almaty تسيفرلىق قۇزىرەتتىلىك سالاسىندا جىل سايىن كاسىبي پەداگوگيكالىق شەبەرلىك كونكۋرسىن وتكىزۋ كوزدەلگەن. سونداي-اق، 3 مىڭنان استام دايىندىق قاراستىرىلعان. IT ماماندىقتارى بويىنشا جوعارى سىنىپ وقۋشىلارى، ءبىز قالانىڭ بارلىق مەكتەپتەرىنە تسيفرلىق رەسۋرستارعا قول جەتكىزۋگە مۇمكىندىك بەرەمىز. مۇنىڭ ءبارى پەداگوگ مارتەبەسىن ارتتىرۋعا، مۇعالىم ماماندىعىن جاستار ءۇشىن تارتىمدى ەتۋگە جانە ءبىزدىڭ ءبىلىم بەرۋ ۇيىمدارىنداعى كادر تاپشىلىعىن قىسقارتۋعا مۇمكىندىك بەرەدى. ءبىلىم بەرۋ مازمۇنىن جاڭارتۋ جانە دامىتۋ ماسەلەسى ينفراقۇرىلىم مەن ماتەريالدىق-تەحنيكالىق قامتاماسىز ەتۋ ماسەلەسىندەي ماڭىزدى دەپ سانايمىز. سوندىقتان ءبىز مۇعالىمدەردىڭ پروگرەسسيۆتى جۇمىس داعدىسىن قولدايمىز جانە دامىتامىز»،-دەدى ساعىنعالي قاليەۆ.

ۇلت بولاشاعى، حالقىمىزدىڭ كەلەشەگى ۇستازداردىڭ ەڭبەگىمەن تىكەلەي بايلانىستى. ەگەمەندى ەلىمىزدى الەمگە تانىتۋدا جولدىڭ باستاۋىندا مەكتەپ تۇر دەسەك، سول مەكتەپتىڭ جۇرەگى – مۇعالىم. جاھاندانۋ زامانىندا باسەكەگە قابىلەتتى بولۋ ءۇشىن ءبىلىم سالاسىندا كوش باستاپ تۇرۋ باستى مىندەت.

Abai.kz