پرەزيدەنت قاسىم-جومارت توقاەۆ مەملەكەت جانە قوعام قايراتكەرى، حالىق جازۋشىسى شەرحان مۇرتازانىڭ 90 جىلدىعىنا وراي تارازدا ءوتىپ جاتقان مەرەيتويلىق ءىس-شاراعا ارنايى قۇتتىقتاۋ حات جولدادى.

"اقيقاتتىڭ الداسپانى، نامىستىڭ ناركەسكەنى اتانعان ارداقتى شەراعاڭ سانالى عۇمىرىن ۇلت رۋحانياتىنىڭ دامۋىنا ارناعان قارىمدى قالامگەر، قايراتكەر تۇلعا ەدى.
ءسوز زەرگەرى شەرحان مۇرتازا جۋرناليستيكادا تۇتاس ءبىر بۋىندى تاربيەلەپ، تالانتتارعا جول اشقان، وزىندىك مەكتەبىن قالىپتاستىرعان قازاق ءباسپاسوزىنىڭ ماۋەلى بايتەرەگى بولدى. ابىرويلى ازامات رەتىندە بيىك مىنبەرلەردە ەلدىك ماسەلەلەردى كوتەرىپ، ۇلت مۇددەسى جولىندا ايانباي كۇرەستى.
جازۋشىنىڭ قالامىنان تۋعان قۇندى تۋىندىلار ۋاقىتپەن بىرگە جاساپ، وسكەلەڭ ۇرپاقتىڭ جادىندا جاڭعىرا بەرەرى انىق. ونىڭ قازاق رۋحانياتىنداعى ورنى مەن جارقىن بەينەسى ەشقاشان ۇمىتىلمايدى" دەلىنگەن قۇتتىقتاۋدا.
ەستەرىڭىزگە سالا كەتەيىك، بۇگىن تارازدا شەرحان مۇرتازاعا ارناپ ەسكەرتكىش اشىلدى. ارنايى عىلىمي كونفەرەنيا ۇيىمداستىرىلىپ، تۋعان اۋىلى جۋالىدا بىرقاتار ءىس-شارالار وتپەكشى.

Abai.kz