بۇل تۋرالى پرەزيدەنت جانىنداعى ايەلدەر ىستەر جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ توراعاسى ايدا بالاەۆا مالىمدەدى.

«مەرەيلى وتباسى - 2022» ۇلتتىق بايقاۋى ەلىمىزدەگى ەڭ ماڭىزدى وتباسى مەرەكەسى. جىل باسىنان ۇزدىك وتباسىلاردى ىرىكتەپ، كۇزدە جەڭىمپازداردى ماراپاتتايتىن ءداستۇرىمىز بار. بۇگىن مىنە،وسى جىلدىڭ قورىتىندىسىن جاريالاۋعا جينالىپ وتىرمىز، - دەدى ايدا بالاەۆا.

ايتۋىنشا، بيىل ماراپاتتاۋ ءراسىمى جىلداعىدان ەرەكشە.

بۇل سالتاناتتى ءىس-شارا ۇلتتىق مارتەبە العان رەسپۋبليكا كۇنى قارساڭىندا ءوتىپ جاتىر. رەسپۋبليكا كۇنى ەلىمىزدىڭ تاۋەلسىزدىك جولىنداعى العاشقى قادامىن ايشىقتايتىن، حالقىمىزدىڭ بەرەكەسى مەن بىرلىگىن نىعايتاتىن ەڭ ماڭىزدى ۇلتتىق مەيرام، – دەدى بالاەۆا.

ماراپاتتاۋ راسىمىنە قاتىسۋ ءۇشىن مەملەكەتتىك ورگانداردىڭ وكىلدەرى، پارلامەنت سەناتى مەن ءماجىلىسىنىڭ دەپۋتاتتارى، قازاقستان رەسپۋبليكاسىنىڭ پرەزيدەنتىنىڭ جانىنداعى ايەلدەر ىستەر جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەلەرى، سونداي-اق بارشا كورەرمەن قاۋىم جينالدى.

«مەرەيلى وتباسى - 2022» بايقاۋىنا 2014 جىلدان بەرى 20 مىڭنان استام جانۇيا قاتىسقان. بيىل وتكەن بايقاۋعا 2542 وتباسى قاتىسقان. ولاردىڭ 63,4 پايىزى اۋىل تۇرعىندارى. ءار وڭىردەن جينالعان شىعارماشىل 20 وتباسى جەڭىمپاز اتاندى.

Abai.kz