الماتىدا 1,2 ملن-عا جۋىق ادام داۋىس بەرۋگە قۇقىلى. بۇل تۋرالى وڭىرلىك كوممۋنيكاتسيالار قىزمەتىنىڭ ءباسپاسوز بريفينگىندە اۋماقتىق سايلاۋ كوميسسياسىنىڭ توراعاسى جاننا اسانوۆا حابارلادى.

«ءبىزدىڭ سايلاۋشىلار ءتىزىمى تۇراقتى تىركەۋ قاعيداسى بويىنشا جاسالعان. اكىمدىكتەر سايلاۋشىلار ءتىزىمىن تاپسىرعان كەزدە الماتى قالاسىندا سايلاۋشىلار سانى 1 ميلليون 170 مىڭنان استى. سايلاۋ ۋچاسكەلەرىنە بارلىعى 11 مىڭنان استام ەسەپتەن شىعارۋ كۋالىكتەرى تاپسىرىلدى»، - دەدى الماتى قالالىق اۋماقتىق سايلاۋ كوميسسياسىنىڭ ءتورايىمى جاننا اسانوۆا.

سونىمەن قاتار، ول ەسەپتەن شىعارۋ كۋالىگى نە ءۇشىن كەرەكتىگىن ءتۇسىندىردى.

«شارتتى تۇردە مەن الماتىدا تىركەلگەنمىن، داۋىس بەرۋ كۇنى تارازدا بولۋدى جوسپارلاپ وتىرمىن. مۇنداي جاعدايدا مەن ءوز ۋچاسكەمە بارىپ، داۋىس بەرۋ قۇقىعىن پايدالانۋ ءۇشىن ەسەپتەن شىعارۋ تالونىن الۋىم كەرەك»، - دەدى سپيكەر.

ايتۋىنشا، بۇگىنگى كۇنى بارلىق سايلاۋ ۋچاسكەلەرى سايلاۋ جاشىكتەرىمەن، مەملەكەتتىك رامىزدەرمەن جابدىقتالعان.

«بارلىق ۋچاسكەلىك كوميسسيالار كانديداتتار تۋرالى اقپاراتتىق ماتەريالدارمەن، سونداي-اق سايلاۋشىلاردى قىزىقتىراتىن ادىستەمەلىك قۇرالدارمەن قامتاماسىز ەتىلگەن. بۇل رەتتە كانديداتتار تۋرالى اقپاراتتىق ماتەريالداردى ۇگىت ماتەريالدارىمەن شاتاستىرماۋ كەرەك. ويتكەنى ولار وزدەرى جاسايدى. بارلىق سايلاۋ ۋچاسكەلەرىندە بارلىق اقپارات بىرىڭعاي فورماتتا»،- دەپ اتاپ ءوتتى جاننا اسانوۆا.

Abai.kz