قازاقستاندىق قىزاناقتاردان ەۋرازيالىق ەكونوميكالىق وداقتا (ەاەو) بۇرىن كەزدەسپەگەن ۆيرۋس تابىلدى. بۇل تۋرالى روسسەلحوزنادزوردىڭ ءباسپاسوز قىزمەتى حابارلادى.

"11 قاراشادا ورىنبور وبلىسى بويىنشا روسسەلحوزنادزور باسقارماسى "ساگارچين" فيتوسانيتاريالىق باقىلاۋ بەكەتىندە قازاقستاننان رەسەي اۋماعىنا اكەلىنگەن كارانتينگە الىنعان جوعارى فيتوسانيتاريالىق قاۋىپتى ءونىمدى تىركەدى.

جاڭا پىسكەن قىزاناقتىڭ ەكى پارتياسىنا (31 توننا) كارانتيندىك فيتوسانيتاريالىق باقىلاۋ جۇرگىزىلدى. قازاقستاننان شىققان قىزاناقتاردان ەۋرازيالىق ەكونوميكالىق وداق (ەاەو) اۋماعىندا جوق كارانتيندىك زياندى ورگانيزم – قىزاناق جەمىستەرىنىڭ قوڭىر ءاجىمدى ۆيرۋسى (Tomato brown rugose fruit virus (ToBRFV) انىقتالدى", - دەلىنگەن حابارلامادا.

رەسەي ۆەدومستۆوسىنىڭ حابارلاۋىنشا، "كارانتيندىك وبەكتىنىڭ ءتىرى ەكەنى" روسسەلحوزنادزوردىڭ ورىنبور رەفەرەنتتىك ورتالىعى" فمب ماماندارى جۇرگىزگەن زەرتحانالىق ساراپتامامەن راستالعان.

"رەسەي فەدەراتسياسىنىڭ كارانتيندىك زاڭناماسىنىڭ تالاپتارىنا سايكەس قىزاناقتىڭ ەكى پارتياسىن اكەلۋگە تىيىم سالىندى. كىنالى ادامدار رەسەي فەدەراتسياسىنىڭ اقبتك-ءنىڭ 10.2-بابىنا سايكەس اكىمشىلىك جاۋاپكەرشىلىككە تارتىلدى", - دەلىنگەن حابارلامادا.

Abai.kz