قازاقستان گەندەرلىك تەڭدىك بويىنشا دۇنيەجۇزىلىك رەيتينگە 80-ورىننان 65-ورىنعا كوتەرىلىپ وتىر. بۇل تۋرالى استانادا وتكەن حالىقارالىق عىلىمي كونفەرەنتسيادا ايتىلدى، دەپ جازادى halyq-uni.kz. 

جيىندا باقىتتى وتباسى مودەلىن قالىپتاستىرۋ، گەندەرلىك تەڭدىك، دەموگرافيانىڭ دامۋى، تۇرمىستاعى زورلىق-زومبىلىق ماسەلەلەرى تۋرالى جان-جاقتى تالقىلاۋ بولدى. بۇل تاقىرىپتار توڭىرەگىندە وتاندىق ساراپشىلاردان بولەك، چەحيا، شۆەتساريا، ءۇندىستان، اقش-تان كەلگەن عالىمدار دا ءوز ويلارىن ورتاعا سالدى.

«ءبىز ءالى مەملەكەت ەكونوميكاسىنىڭ دامۋىن وتباسى باقىتى ارقىلى ەسەپتەيتىن ەلدەردىڭ قاتارىنا ەنگەن جوقپىز. بىراق سوعان كەلە جاتىرمىز. 2019 جىلدان باستاپ قازاقستاندا وتباسىن قولداۋ ورتالىقتارى اشىلىپ كەلەدى»، - دەيدى پرەزيدەنت جانىنداعى ايەلدەر ىستەرى جانە وتباسى-دەموگرافيا ساياساتى جونىندەگى ۇلتتىق كوميسسيانىڭ مۇشەسى ءنازيپا شاناي.

Abai.kz