رەسەي قازاقستاننان استىق تاسىمالداۋ ءتاريفىن ءتۇسىرۋدى ءوتىنىپ، ورتاق كەلىسىمگە كەلۋدى سۇرادى. بۇل تۋرالى ساۋدا جانە ينتەگراتسيا ءمينيسترى سەرىك جۇمانعارين حابارلادى.

ونىڭ سوزىنشە، رەسەي جاعىنىڭ ۇسىنىستارى ءتيىمسىز بولسا، استىق ءتاريفى وزگەرىسسىز قالادى.

«23 قاراشادا ورىنبوردا ەكى ەلدىڭ باسشىلارى قاتىساتىن فورۋم وتەدى. رەسەيدىڭ ءوزى كەلىسسوزگە كەلۋگە شاقىردى. مەنىڭ رەسەي تاراپىنداعى ۇزەڭگىلەسىم - وۆەرچۋك مىرزا. ءبىز جاقتان دا ءبىراز دەلەگاتسيا بولادى. وزىممەن بىرگە رەسەيدەن ترانزيت ارقىلى ءوتۋدى كوزدەيتىن كاسىپكەرلەردى ەرتەمىن. رەسەي جاعى دا ءوز بيزنەسمەندەرىن شاقىراتىنى ءسوزسىز. ءبىز كەلىسىم جايىن اقىلداسامىز", -  دەدى مينيستر سەرىك جۇمانعارين.

بۇعان دەيىن دە رەسەي قازاقستاننان استىق تاسىمالداۋ ءتاريفىن تومەندەتۋدى وتىنگەن ەدى. بىراق قازاقستان استىق ءتاريفىن 4 جىل بويى وزگەرتپەي كەلەدى.

Abai.kz