اتىراپ بوس. ىشكى جان دۇنيەمدە ءساۋىردىڭ جىلۋىنا مويىنسۇنباعان قار جاتىر. كوڭىلدەن زاماناقىردىڭ ورناعانىن تۇيسىنگەن سەزىم اينالسوقتاپ كەتپەيدى.

جۇرەكتە - قىركۇيەكتىڭ جاپىراقتارى، دالادا - كوكتەم. جەر بەتىندە ەشتەڭە جوق. كوز جاسى دا، سۇيكىمدى كۇلكى دە، شادىمان شاتتىق تا، قورعاسىن مۇڭ دا. تۇگەل قاڭىراپ تۇر، رۋحىڭدى جاسىرعان تۇڭعيىق الەمىڭ دە، جۇلدىزىن تىعىپ قويعان ۇلان-بايتاق جارىق عالامىم دا.

سەن شىق. قىر استىنان كوتەرىلگەن قالىڭ كوش بولىپ، جۇرتتا قالعان بەيباقتى زەر كەستەلى اق وتاۋدىڭ تورىنە شىعار، تىرشىلىكتىڭ سوڭىن قابىلداعان الاساپىران سانا نيەتىنەن اينىسىن، ءتورت قۇبىلا جاھاننامدى ادەمىلىك قانا قۇتقارا الادى.

قۇتقارشى مەنى، سۇلۋلىق. كەشەگى ەر مىنەزدىڭ قايدا كەتكەنىن ءوزىم دە بىلمەيمىن. جانشىلىپ بارامىن، وزەگىم بورداي ۇگىلىپ ءتۇسىپ جاتقانى، كىتاپتار سومداعان التىن ۇزىك، اق شاڭقان بوز ءۇيىمنىڭ تاس-تالقانى شىقتى. كىم ساعى سىنعان ءدارۋىشتى ۇستاپ تۇرا الماق، كەتەيىن بە، ارۋاققا اينالىپ...

اق شاربى بۇلتتارعا قانات قاعىپ، ماڭگى قار جاپقان تاۋ-قۇزدارىنا ۇشىپ جەتەمىن. قارسى ال قۇرباندىقتى، ءولى پەندەلەر مەكەن-جايى، سەندەرگە تاعى جالقى وي ۇشىپ كەلەدى.

ادام - سانا، مۇمكىن ءتانى جوق پايىم، الدە عارىشتىڭ كەلتە پۇشپاعىندا كولەمى نۇكتەدەن اسپايتىن قۇبىلىس. تالقى شارشاتادى، كۇردەلى سۇراقتاردان باس تارتقان كەزىڭدە جالعىز ەكەنىڭدى تۇسىنەسىڭ، تاۋسىلمايتىن ساۋال، ءسويتىپ جۇرسەم، تەك قانا كوكىرەكتەگى جاپ-جاقسى الدانىش.

اتىراپ بوس. ىشكى جان دۇنيەمدە ءساۋىردىڭ جىلۋىنا مويىنسۇنباعان قار جاتىر. كوڭىلدەن زاماناقىردىڭ ورناعانىن تۇيسىنگەن سەزىم اينالسوقتاپ كەتپەيدى.

جۇرەكتە - قىركۇيەكتىڭ جاپىراقتارى، دالادا - كوكتەم. جەر بەتىندە ەشتەڭە جوق. كوز جاسى دا، سۇيكىمدى كۇلكى دە، شادىمان شاتتىق تا، قورعاسىن مۇڭ دا. تۇگەل قاڭىراپ تۇر، رۋحىڭدى جاسىرعان تۇڭعيىق الەمىڭ دە، جۇلدىزىن تىعىپ قويعان ۇلان-بايتاق جارىق عالامىم دا.

سەن شىق. قىر استىنان كوتەرىلگەن قالىڭ كوش بولىپ، جۇرتتا قالعان بەيباقتى زەر كەستەلى اق وتاۋدىڭ تورىنە شىعار، تىرشىلىكتىڭ سوڭىن قابىلداعان الاساپىران سانا نيەتىنەن اينىسىن، ءتورت قۇبىلا جاھاننامدى ادەمىلىك قانا قۇتقارا الادى.

قۇتقارشى مەنى، سۇلۋلىق. كەشەگى ەر مىنەزدىڭ قايدا كەتكەنىن ءوزىم دە بىلمەيمىن. جانشىلىپ بارامىن، وزەگىم بورداي ۇگىلىپ ءتۇسىپ جاتقانى، كىتاپتار سومداعان التىن ۇزىك، اق شاڭقان بوز ءۇيىمنىڭ تاس-تالقانى شىقتى. كىم ساعى سىنعان ءدارۋىشتى ۇستاپ تۇرا الماق، كەتەيىن بە، ارۋاققا اينالىپ...

اق شاربى بۇلتتارعا قانات قاعىپ، ماڭگى قار جاپقان تاۋ-قۇزدارىنا ۇشىپ جەتەمىن. قارسى ال قۇرباندىقتى، ءولى پەندەلەر مەكەن-جايى، سەندەرگە تاعى جالقى وي ۇشىپ كەلەدى.

ادام - سانا، مۇمكىن ءتانى جوق پايىم، الدە عارىشتىڭ كەلتە پۇشپاعىندا كولەمى نۇكتەدەن اسپايتىن قۇبىلىس. تالقى شارشاتادى، كۇردەلى سۇراقتاردان باس تارتقان كەزىڭدە جالعىز ەكەنىڭدى تۇسىنەسىڭ، تاۋسىلمايتىن ساۋال، ءسويتىپ جۇرسەم، تەك قانا كوكىرەكتەگى جاپ-جاقسى الدانىش.

ولەتىنىمدى ايتقانىممەن، الىس قازانى بولجاماعان ەكەنمىن. قارا جىرا قۋىستان قورقامىن، كوسموس دەدەكتەتىپ سۇيرەتىپ، قاراڭعى قويناۋلارىنا، ءتۇپسىز قولاتتارىنا قۇلاتىپ الىپ كەتە بەرە مە. زارەم ۇشادى، قۇتقارشى مەنى، سۇلۋلىق.

ۇلكەن قالانىڭ كەلبەتى مولا قۇساپ كورىنەدى. تىنىسىمدى تارىلتادى، ولىكتىڭ ءيىسى مۇڭكىپ، قولقانى قابادى، قىر ەتەگىنەن قىزعالداعى اڭقيتىن ارقانىڭ جوتاسىنا قاشايىقشى. كولىك كەپتەتىلگەن تار كوشەلەر، جاڭساق پىكىر قالىپتاستىرعان بۋرجۋازيالىق مورال قاعيدالارى، توردا قويان ۇستاعانداي اسەر بەرەتىن قابات-قابات پاتەرگە بولىنگەن عيماراتتار، شاھار دەپ نىسپىلاعانىمىز وسى ەمەس پە.

فونار. اقىرعى ءاۆتوموبيلى جوعالعان ابىلاي حان داڭعىلى. مۇلگىپ تۇرعان الماتى. اتىراپ بوس. جۇرەكتە - قىركۇيەكتىڭ جاپىراقتارى، دالادا - كوكتەم. دوستوەۆسكيدى وقۋ قاجەت.
ناۋرىز، 1997.
Abai.kz