مەملەكەتتىك قىزمەت ىستەر اگەنتتىگىنىڭ توراعاسى ءاليحان بايمەنوۆتىڭ،

ەڭبەك جانە حالىقتى الەۋمەتتىك قورعاۋ ءمينيسترى سەرىك ابدەنوۆتىڭ

نازارىنا:

بيىلعى جىلدىڭ 17 قاڭتارىندا  قازاقستان رەسپۋبليكاسى پرەزيدەنتىنىڭ №466 جارلىعى شىقتى. جارلىق بويىنشا  ەڭبەك جانە حالىقتى الەۋمەتتىك قورعاۋ مينيسترىلىگىندە كوشى-قون كوميتەتى قۇرىلاتىن بولدى. وسىعان وراي بۇدان بۇرىن قازاقستان رەسپۋبليكاسى ىشكى ىستەر مينيسترلىگىنىڭ قۇزىرەتىندە بولعان حالىقتىڭ كوشى-قونى، ونى ۆەدومستۆوارالىق ۇيلەستىرۋدى جۇزەگە اسىرۋ، كوشى-قون ۇدەرىستەرىن رەتتەۋ جانە مونيتورينگىلەۋ سالاسىنداعى شارالاردى ەندى سەرىك ابدەنوۆتىڭ مينيسترلىگى اتقارادى. ەلدى ەلەڭ ەتكىزگەنى شەتەلدەگى قازاق دياسپوراسىنىڭ اتاجاۇرتقا قونىس اۋدارۋ جۇمىستارىمەن اينالىسىپ كەلگەن كوشى-قون كوميتەتىنىڭ قايتا قۇرىلعاندىعى بولدى دەسەك قاتەلەسپەيمىز. سەبەبى، تاۋەلسىزدىكتىڭ 20 جىلىندا اتاجۇرتىنا ورالعان ميلليوننان استام قانداسىمىزدىڭ تىرشىلىك تىنىسىمەن اينالىساتىن ءبىر كوميتەتتىڭ بولعانى، ارينە، قۋانتارلىق جاعداي. ويتكەنى قازاق شەكاراسىنىڭ سىرتىندا ءالى دە 5 ميلليون قانداسىمىز وتانىنا ورالۋدى كۇتىپ وتىر.

مەملەكەتتىك قىزمەت ىستەر اگەنتتىگىنىڭ توراعاسى ءاليحان بايمەنوۆتىڭ،

ەڭبەك جانە حالىقتى الەۋمەتتىك قورعاۋ ءمينيسترى سەرىك ابدەنوۆتىڭ

نازارىنا:

بيىلعى جىلدىڭ 17 قاڭتارىندا  قازاقستان رەسپۋبليكاسى پرەزيدەنتىنىڭ №466 جارلىعى شىقتى. جارلىق بويىنشا  ەڭبەك جانە حالىقتى الەۋمەتتىك قورعاۋ مينيسترىلىگىندە كوشى-قون كوميتەتى قۇرىلاتىن بولدى. وسىعان وراي بۇدان بۇرىن قازاقستان رەسپۋبليكاسى ىشكى ىستەر مينيسترلىگىنىڭ قۇزىرەتىندە بولعان حالىقتىڭ كوشى-قونى، ونى ۆەدومستۆوارالىق ۇيلەستىرۋدى جۇزەگە اسىرۋ، كوشى-قون ۇدەرىستەرىن رەتتەۋ جانە مونيتورينگىلەۋ سالاسىنداعى شارالاردى ەندى سەرىك ابدەنوۆتىڭ مينيسترلىگى اتقارادى. ەلدى ەلەڭ ەتكىزگەنى شەتەلدەگى قازاق دياسپوراسىنىڭ اتاجاۇرتقا قونىس اۋدارۋ جۇمىستارىمەن اينالىسىپ كەلگەن كوشى-قون كوميتەتىنىڭ قايتا قۇرىلعاندىعى بولدى دەسەك قاتەلەسپەيمىز. سەبەبى، تاۋەلسىزدىكتىڭ 20 جىلىندا اتاجۇرتىنا ورالعان ميلليوننان استام قانداسىمىزدىڭ تىرشىلىك تىنىسىمەن اينالىساتىن ءبىر كوميتەتتىڭ بولعانى، ارينە، قۋانتارلىق جاعداي. ويتكەنى قازاق شەكاراسىنىڭ سىرتىندا ءالى دە 5 ميلليون قانداسىمىز وتانىنا ورالۋدى كۇتىپ وتىر.

جاسىراتىنى جوق، تاۋەلسىزدىك جىلدارىنان بەرى ەڭ كوپ سىن ايتىلعان سالالاردىڭ ءبىرى - ەلىمىزدەگى كوشى-قون سالاسى. ءتىپتى بۇل سالا سوڭعى جىلدارى تىعىرىققا تىرەلدى. ونىڭ ءبىر كورىنىسى ەلباسى نۇرسۇلتان نازارباەۆتىڭ تىكەلەي باستاماسىمەن قولعان الىنعان «نۇرلى كوش» باعدارلاماسىنىڭ ءساتسىز بولۋى، «ورالماندارعا» بەرىلەتىن كۆوتانىڭ الىنىپ تاستالۋى، شەتەلدە تۇراتىن قازاق دياسپوراسىنىڭ 6 ايلىق، 1 جىلدىق ۆيزاعا قول جەتكىزە الماۋى، تۇراقتى تىركەۋگە تۇرۋ، ازاماتتىق الۋ جۇمىستارىنىڭ قيىنداۋى... مۇنىڭ بارلىعى ەكونوميكاسى دامىعان، تاۋەلسىزدىگىن بەكەمدەگەن ەلىمىز ءۇشىن ۇلكەن سىن ەكەندىگى داۋسىز!

تاڭعالارلىعى، تاۋەلسىزدىكتىڭ 20 جىلىندا ميلليون قازاقتىڭ قاتارىن قۇراعان قانداستارىمىزدىڭ اراسىنان بەلدى مەملەكەتتىك قىزمەتتىڭ تىزگىنىن ۇستاعان ءبىر ازامات جوق. بۇل ولاردىڭ بىلىكسىزدىگىن كورسەتە مە، الدە، مەملەكەت تاراپىنان كوزگە كورىنبەيتىن «كەدەرگىلەر» بار ما؟ شىنداپ كەلسەك، اعايىنداردىڭ ىشىندە عىلىم دوكتورلارى، كاسىبي ماماندار، ءار سالانىڭ جۇزدەن جۇيرىگى، مىڭنان تۇلپارى بار. باسقاسى باسقا، ءبىر عانا كوشى-قون كوميتەتىن باسقارۋعا وسى سالانى جاقسى بىلەتىن باۋىرلارىمىزدىڭ تاجىريبەسىن نەگە پايدالانباسقا؟! مىسالى، جاقىندا عانا «اباي» پورتالىندا «كوشى-قون كوميتەتىن قايسى قانداسىمىز باسقارادى؟» دەگەن ساۋالناماعا مىڭداعان ادام نازار سالىپ، 200-گە جۋىق وقىرمان پىكىر بىلدىرگەن. (http://old.abai.kz/content/koshi-kon-komitetin-kaisy-kandasymyz-baskarady ) جۇرتشىلىقتىڭ اڭىسى بىلىمىنە بىلىگى ساي ءبىراز ازاماتتىڭ وسى ورىنعا لايىق ەكەندىگىن كورسەتىپ وتىر. الايدا، ەلباسىنىڭ جارلىعى شىققانىمەن ءالى كۇنگە قۇرىلماعان كوشى-قون كوميتەتىنىڭ تاعدىرى بەلگىسىز،  ءتورى توراعاسىز بوس جاتىر. نەگە؟ پرەزيدەنت پارمەن ەتىپ، ۇكىمەت ءوزىنىڭ ءبىر ىرگەلى مەكەمەسى ەتىپ بەكىتپەككە نيەت ەتكەن كوميتەتتى باسقاراتىن ءبىر بىلىكتى باسشى تابىلماي تۇر ما، الدە بۇل سالانى مۇلدەم جىلىپ جاۋىپ قويۋ قاجەت بولىپ تۇر ما؟

سىزدەر نە دەيسىزدەر؟

Masa.kz