بەيسەنبى, 28 ناۋرىز 2024
قۇيىلسىن كوشىڭ 3698 13 پىكىر 9 قاڭتار, 2023 ساعات 15:41

قىتايمەن شەكارا اشىلدى: قانداستار اعىلا ما؟!

قىتايدىڭ قازاقتار تۇراتىن شىنجاڭ رايونى 8 مەملەكەتپەن شەكتەسەتىن ەرەكشە ستراتەگيالىق ماڭىزى بار ايماق ەكەنى بەلگىلى. كەشە قاڭتاردىڭ 8-ءى كۇنى قىتايدىڭ ۇكىمەت ورگاندارى ورتالىقتىڭ پاندەمياعا قارسى شارالاردى الىپ تاستاۋ قاۋلىسىنا ساي، قىرعىزستانمەن، تاجىكستانمەن، موڭعوليامەن، قازاقستانمەن اراداعى شەكارا بەكەتتەرىنىڭ رەسمي اشىلىپ، جولاۋشىلاردىڭ ەركىن كىرىپ-تۇرۋىنا بارلىق جاعداي جاسالعانىن جاريالادى.

قورعاس كەدەن بەكەتىنەن ەكى اۆتوبۋس جولاۋشىنىڭ ساعات 10:00-دە قىتاي تاراپىنا وتكەنىن سۇيىنشىلەدى. ولاردىڭ كوبى تۋىسىن كورۋگە بارعاندار، اراسىندا ىسكەرلىك ماقساتپەن جۇرگەندەر دە بار ەكەن.

ايتىپ-ايتپاي بۇل وتە قۋانىشتى جاڭالىق بولدى. الەمدى كوروناۆيرۋس جايلاعالى بەرى ەكى ەل شەكاراسى تارس جابىلماسا دا، سوعان جەتە قابىل كۇي كەشتى. پاندەميانىڭ الدىنداعى قىتايداعى اتالمىش ۇيرەنۋ ورتالىقتارى تۋرالى اقپاراتتار الەمدى شۋلاتىپ، قىتاي كىسىلىك قۇقىقتى باستى ورىنعا قوياتىن باتىستىڭ ۇرتوقپاعىنىڭ استىندا قالعانى قازاقستاندى دا اينالىپ وتپەگەنى بەلگىلى. قىتايدىڭ رەسمي ورگاندارى ءتۇرلى سىلتاۋمەن قازاقتاردىڭ پاسپورتتارىن تارتىپ الىپ، شەتەلگە شىعۋ قۇقىنان ايىرسا دا، اتاجۇرتتى اڭساعاندار العان بەتىنەن قايتپاي، جولىن تاۋىپ، قارا شاڭىراقتى پانالاعان.

اياق استىنان دۇنيەگە جايىلعان ءتاج تاجال قىتايدىڭ كوكتەن تىلەگەنىن جەردەن بەرگەندەي بولىپ، شەكاراسىن قىمتاۋعا مىقتى سىلتاۋ بولعان. قازاقستاننان ادامداردى عانا ەمەس، جۇك ۆاگوندارىندا قابىلداماي، شەكارا وتكەلىندە ايلاپ، جىلداپ قاڭتارىپ قويعان ەدى. ەندى، مىنە، اقجولتاي حاباردى ءبىلىپ، قازىرگى كۇردەلى گەوساياسي جاعدايدا قازاق كوشىنىڭ ىركىلىپ، ونىڭ ورىنىن رەسەيدەن اعىلعان ورىس كوشى باسقانىنا الاڭداپ وتىرعان قالىڭ جۇرتتىڭ ءبىر جەڭىلدەپ قالعانى انىق. اراسىندا قىتايدا پاندەميانىڭ ەرەكشە قارقىن الىپ تۇرعانىن العا تارتىپ، شەكارانى نەگە جاپپايدى دەۋشىلەر دە تابىلىپ جاتىر.

قىتاي بيلىگى جەلتوقساننىڭ 7-ءسى كارانتيندى الىپ تاستاعالى بەرى، ءىش جاعىنداعى ۇلكەن قالالارىندا شەتەلگە شىعۋعا رۇقسات بەرىپ جاتقانى ءمالىم بولعان. يتالياعا، جاپونياعا، ماراككوعا بارعان قىتايلىق تۋريستەردەن پاندەميا بەلگىسى انىقتالىپ، الەم ەلدەرى ساقتىق شارالارىنا كوشكەن.

ەندى، مىنە، الىستاعى شەتەلدەر ەمەس، ىرگەسىندەگى ەلدەرگەدە ەسىگىن ايقارا اشىپ وتىر. كەشە 4 كەدەن بەكەتى اشىلسا، ەندى 17 كەدەن بەكەتىنىڭ قالعاندارى بىرتىندەپ اشىلماق ەكەن.

شىنجاڭنىڭ جەرگىلىكتى شەنەۋنىكتەرىنىڭ پىكىرىنشە، كارانتي سەبەبىنەن توقىراپ قالعان حالىقارالىق ساۋدا، ءتۇرلى سالاداعى بايلانىستار ەندى ارناسىنا قايتا تۇسەدى. قازاقستانمەن اۋە، پويىز، كولىك قاتىناسى بۇدان بىلاي ىركىلىسسىز داميدى.

ەسبول ۇسەنۇلى

Abai.kz

13 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2254
عيبىرات

قايسار رۋحتى عازيز جان

مۇحتار قۇل-مۇحاممەد 3521