سەناتور گۇلميرا كارىموۆا قايتىس بولدى
جاڭادان سايلانعان سەناتور گۇلميرا كارىموۆا كەنەتتەن قايتىس بولدى، دەپ حابارلايدى قازاقستان رەسپۋبليكاسى پارلامەنتىنىڭ سەناتىنىڭ ءباسپاسوز قىزمەتى.
«بۇگىن تۇندە جاڭادان سايلانعان سەناتور گۇلميرا كارىموۆا 46 جاسقا قاراعان شاعىندا كەنەتتەن قايتىس بولعانىن قايعىرا حابارلايمىز. وعان الدىن الا «انافيلاكسيالىق شوك» دەگەن دياگنوز قويىلىپ وتىر. قازاقستان رەسپۋبليكاسى پارلامەنتى سەناتىنىڭ دەپۋتاتتارى مەن اپپاراتى گۇلميرا راينبەكقىزىنىڭ تۋىستارى مەن جاقىندارىنا كوڭىل ايتادى» دەلىنگەن حابارلامادا.
گۇلميرا كارىموۆا 2021 جىلدىڭ قىركۇيەگىنەن باستاپ قازاقستان رەسپۋبليكاسى ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتورايىمى بولدى.
2023 جىلى 14 قاڭتاردا وتكەن سەنات سايلاۋىندا سولتۇستىك قازاقستان وبلىسىنان جوعارعى پالاتاعا دەپۋتات بولىپ سايلانعان بولاتىن.
Abai.kz
