بۇل تۋرالى ول ءوزىنىڭ YouTube ارناسىندا ايتتى، دەپ حابارلايدى Ulysmedia.kz.

ءوزىنىڭ ايتۋىنشا، سەبەپ – سوڭعى 10 جىلدا ەلدىڭ ءبىر اۋماقتا تۇراقتى تۇرماۋى.

"كونستيتۋتسيانىڭ 51-بابىنىڭ 4-تارماعى بويىنشا تالابى قاناعاتتاندىرىلماعان. سوڭعى 10 جىلدا ەلىمىزدىڭ اۋماعىندا تۇراقتى تۇرۋ تالابىنا سايكەس ەمەس", - دەپ وقىپ بەردى جۋرناليست وزىنە بەرىلگەن قۇجاتتى.

الايدا تالابىنىڭ ورىندالماۋىن جۋرناليست زاڭسىز دەپ سانايدى. زاڭ بويىنشا، كانديدات رەتىندە تىركەلەتىن ادام "سوڭعى 10 جىلدا قازاقستان اۋماعىندا تۇرۋى كەرەك". دۋمان مۇحامەدكارىم كەيىنگى ون جىلدا "بىرنەشە وڭىردە تۇرسام دا، ەل اۋماعىنان كەتپەگەنمىن، شەتەلدە تۇرمادىم" دەپ، ءوزىنىڭ ءبىر اۋماقتا تۇراقتاماۋىن جۋرناليستىك قىزمەتىمەن تۇسىندىرەدى.

ەسكە سالايىق، ەلىمىزدە 19 ناۋرىزدا پارلامەنت ءماجىلىسى مەن ءماسليحات دەپۋتاتتارى كەزەكتەن تىس سايلانادى. كانديداتتاردى ۇسىنۋ 20 قاڭتاردا باستالىپ، 8 اقپاندا ساعات 18:00-دە اياقتالادى.

سايلاۋ الدىنداعى ۇگىت-ناسيحات 18 اقپاندا ساعات 18:00-دە باستالىپ، 18 ناۋرىز ساعات 00:00-گە دەيىن جۇرگىزىلەدى.

بۇدان بۇرىن ساياساتتانۋشى سانجار بوقاەۆ ءماجىلىس سايلاۋىنا تۇسەتىنىن مالىمدەگەن.

Abai.kz