«قازاقستان» ۇلتتىق ارناسىنان 31 ناۋرىز كۇنى ساعات 21.35-تە  «اشىق اڭگىمە» اتتى جاڭا جوبانىڭ تۇساۋى كەسىلەدى.  بەتپە-بەت فورماتىنداعى ديالوگ - وتاندىق تەلەنارىقتاعى سۇرانىسقا يە جانردىڭ ءبىرى. اتالعان باعىتتاعى تەلەجوبالار ەلىمىزدىڭ كەيبىر تەلەارنالارىندا كەزدەسەدى. الايدا «اشىق اڭگىمە» باعدارلاماسىنىڭ باستى ەرەكشىلىگى - ونىڭ جۇرگىزۋشىسى مەن قويىلاتىن سۇراقتارىندا. جۇرگىزۋشى -  ايدوس سارىم  قوعام اراسىندا ءوزىنىڭ قىزىقتى پىكىرلەرىمەن، قۇندى ۇسىنىستارىمەن، ساپالى ساراپتاماسىمەن تانىمال تۇلعا. وعان قوسا، ا.سارىمنىڭ ۇستانىمىمەن وتاندىق قازاق ءتىلدى جانە ورىس ءتىلدى باق ەسەپتەسەدى.

ستۋديا قوناقتارى رەتىندە قازاقستاننىڭ مەملەكەتتىك ورگاندارىنىڭ جەتەكشىلەرى، تانىمال ساياسي قايراتكەرلەر، زيالى قاۋىم وكىلدەرى، جازۋشىلار، بەلگىلى عالىمدار شاقىرىلادى. اڭگىمە بارىسىندا قوناقتىڭ وتكەن ومىرىندەگى ءىس-ارەكەتتەرىنە، قابىلداعان شەشىمدەرىنە، تاعايىندالعان قىزمەتتەرىنە شولۋ جاسالىپ، بۇگىنگى قوعامدىق پروبلەمالارعا كوزقاراسى، ماڭگىلىك ماسەلەلەرگە پىكىرى، جەكە ۇستانىمى جونىندە ساۋالدار قويىلادى.

باعدارلاما بارىسىندا بليتس-ساۋالنامادان، الەۋمەتتىك جەلىلەردەن الىنعان ساۋالدار قويىلىپ، سايتتارداعى ساۋالنامانىڭ ناتيجەسى جونىندە پىكىرى سۇرالادى. باعدارلاما سوڭىندا سارتر ۇلگىسىندەگى جىلدام قىسقا ساۋالدارعا  كەزەك بەرىلەدى. سۇراقتار اياقاستى، توسىن بولادى. وسى ارقىلى ستۋديا قوناعىن ءار جاقتى سىناپ، ءتۇرلى قىرىنان اشۋ ماقسات ەتىلىپ وتىر.

«قازاقستان» ۇلتتىق ارناسىنان 31 ناۋرىز كۇنى ساعات 21.35-تە  «اشىق اڭگىمە» اتتى جاڭا جوبانىڭ تۇساۋى كەسىلەدى.  بەتپە-بەت فورماتىنداعى ديالوگ - وتاندىق تەلەنارىقتاعى سۇرانىسقا يە جانردىڭ ءبىرى. اتالعان باعىتتاعى تەلەجوبالار ەلىمىزدىڭ كەيبىر تەلەارنالارىندا كەزدەسەدى. الايدا «اشىق اڭگىمە» باعدارلاماسىنىڭ باستى ەرەكشىلىگى - ونىڭ جۇرگىزۋشىسى مەن قويىلاتىن سۇراقتارىندا. جۇرگىزۋشى -  ايدوس سارىم  قوعام اراسىندا ءوزىنىڭ قىزىقتى پىكىرلەرىمەن، قۇندى ۇسىنىستارىمەن، ساپالى ساراپتاماسىمەن تانىمال تۇلعا. وعان قوسا، ا.سارىمنىڭ ۇستانىمىمەن وتاندىق قازاق ءتىلدى جانە ورىس ءتىلدى باق ەسەپتەسەدى.

ستۋديا قوناقتارى رەتىندە قازاقستاننىڭ مەملەكەتتىك ورگاندارىنىڭ جەتەكشىلەرى، تانىمال ساياسي قايراتكەرلەر، زيالى قاۋىم وكىلدەرى، جازۋشىلار، بەلگىلى عالىمدار شاقىرىلادى. اڭگىمە بارىسىندا قوناقتىڭ وتكەن ومىرىندەگى ءىس-ارەكەتتەرىنە، قابىلداعان شەشىمدەرىنە، تاعايىندالعان قىزمەتتەرىنە شولۋ جاسالىپ، بۇگىنگى قوعامدىق پروبلەمالارعا كوزقاراسى، ماڭگىلىك ماسەلەلەرگە پىكىرى، جەكە ۇستانىمى جونىندە ساۋالدار قويىلادى.

باعدارلاما بارىسىندا بليتس-ساۋالنامادان، الەۋمەتتىك جەلىلەردەن الىنعان ساۋالدار قويىلىپ، سايتتارداعى ساۋالنامانىڭ ناتيجەسى جونىندە پىكىرى سۇرالادى. باعدارلاما سوڭىندا سارتر ۇلگىسىندەگى جىلدام قىسقا ساۋالدارعا  كەزەك بەرىلەدى. سۇراقتار اياقاستى، توسىن بولادى. وسى ارقىلى ستۋديا قوناعىن ءار جاقتى سىناپ، ءتۇرلى قىرىنان اشۋ ماقسات ەتىلىپ وتىر.

باعدارلاما 30 بەن 55 ارالىعىنداعى ساۋاتتى، ساياسي حابارلاردان، ەل ىشىندەگى تىنىس-تىرشىلىكتەن حابارى بار كورەرمەندەرگە ارنالعان. 31 ناۋرىز كۇنى ساعات 21.35-تە  «قازاقستان» ۇلتتىق ارناسىنان «اشىق اڭگىمەنى» تاماشالاۋدى ۇمىتپاڭىزدار!