قازاقستان قورعانىس ءمينيسترىنىڭ ورىنباسارى سۇلتان كامالەتدينوۆ قازاقستان اسكەريلەرى قاتىساتىن بەلارۋستەگى وقۋ-جاتتىعۋعا بايلانىستى سۇراقتارعا جاۋاپ بەردى.

«ءبىزدىڭ وفيتسەرلەر قازىرگى تاڭدا ۇجىمدىق قاۋىپسىزدىك تۋرالى شارت ۇيىمىنىڭ قۇرامىندا بار. ولار قازىر قانداي جاعداي بولاتىنىن، قانداي تەماتيكا بولاتىنىن قاراپ جاتىر. بىراق ەگەر ول (وقۋ-جاتتىعۋ) بىزگە جاقپايتىن بولسا، ءبىز قاتىسپايمىز»، - دەدى كامالەتدينوۆ سەنات كۋلۋارىندا.

ايتا كەتەيىك، بۇعان دەيىن ۇقشۇ باس حاتشىسى يمانعالي تاسماعامبەتوۆ پەن بەلارۋس پرەزيدەنتى الەكساندر لۋكاشەنكونىڭ كەزدەسۋىنەن كەيىن، بيىل بەلارۋس اۋماعىندا «ۆزايمودەيستۆيە»، «ەشەلون» جانە «پويسك» اتتى ءۇش وقۋ-جاتتىعۋ وتەتىنى بەلگىلى بولعان.

سۇلتان كامالەتدينوۆ قازاقستان پرەزيدەنتىنىڭ بۇعان دەيىن سوعىسقا قاتىستى ناقتى پوزيتسياسىن بىلدىرگەنىن اتاپ ءوتتى.

«بۇل راسىندا دا ءبىزدىڭ باۋىرلاس حالىقتاردىڭ تراگەدياسى. بىراق ءبىز ولاردىڭ ءبىر جاعىنا شىعۋدى ويىمىزعا دا المايمىز. رەسەي تاراپى بىزگە كومەكتەسىڭدەر دەپ جۇگىنگەن ەمەس. بۇل – سولاردىڭ قاقتىعىسى»، - دەپ ءتۇيدى كامالەتدينوۆ.

ايجان تەمىرحان

Abai.kz