استانا قالالىق ءماسليحاتىنىڭ دەپۋتاتتىعىنا «AMANAT»-تىڭ پارتيالىق ءتىزىمى بويىنشا ۇسىنىلعان التىنشاش تابۋلدينا، كونستانتين كولو، ەرنار جۇماتاەۆ جانە ەرلان داكەنوۆ «كوكتال» وتباسىلىق دارىگەرلىك امبۋلاتورياسىنا بارىپ، سايلاۋالدى ۇگىت-ناسيحات جۇمىستارىن جۇرگىزدى.

استانا قالالىق ءماسليحاتىنىڭ دەپۋتاتتىعىنان ۇمىتكەر، №5 ەمحانانىڭ باس دارىگەرى التىنشاش تابۋلدينا پارتيانىڭ سايلاۋالدى باعدارلاماسىندا مەديتسينا سالاسى قىزمەتكەرلەرىن الەۋمەتتىك تۇرعىدان قورعاۋ، قاۋىپسىزدىگىن قامتاماسىز ەتۋ جاعى دا كەڭىنەن قامتىلعانىن اتاپ ءوتتى.

«قازىر مەملەكەتتىك ءۇي قورىنان مەديتسينا قىزمەتكەرلەرىنە كەزەكپەن پاتەر بەرۋ جاعى قاراستىرىلماعان. ەسەسىنە، مەملەكەتتىك ءتۇرلى باعدارلامالار ارقىلى باسپاناعا قول جەتكىزۋگە بولادى. وعان كەز كەلگەن سالا ماماندارى قاتىسا الادى. سونداي-اق بىلتىرلارى بيۋدجەت سالاسى قىزمەتكەرلەرى پاتەر ساتىپ الۋ ءۇشىن 1 ميلليون تەڭگەنىڭ سەرتيفيكاتى بەرىلەتىن بولسا، «اماناتتىقتار» ەندى سەرتيفيكات سوماسىن 1,5-2 ملن تەڭگەگە دەيىن كوتەرۋگە جانە وسى ارنايى جوباعا قاتىسۋشىلار سانىن ۇلعايتۋعا مۇددەلى»، – دەدى التىنشاش تابۋلدينا.

ۇمىتكەر، سونداي-اق، بيىل قالادا مەديتسينا قىزمەتكەرلەرىنە ارناپ 100 ورىندىق جانە الەۋمەتتىك تۇرعىدان وسال قورعالعان وتباسىلار ءۇشىن 250 ورىندىق جاتاقحانا سالىناتىنىن ايتتى.

جەرگىلىكتى ءماسليحات دەپۋتاتتىعى ءۇشىن سايلاۋعا ءتۇسىپ جاتقان م.گوركي اتىنداعى مەملەكەتتىك اكادەميالىق ورىس دراما تەاترىنىڭ ديرەكتورى ەرنار جۇماتاەۆ، «Egregor of Finance Sh.R.» جشس ديرەكتورى كونستانتين كولو، ەركەعالي راحماديەۆ اتىنداعى مەملەكەتتىك اكادەميالىق فيلارمونيانىڭ ديرەكتورى ەرلان داكەنوۆ پارتيانىڭ العا قويعان ماقساتتارىن ايتا وتىرىپ، وزدەرىنىڭ وكىلەتتى ورگانعا قانداي ماقساتپەن باراتىندارىن ءتۇسىندىردى. جيىنعا كەلگەندەردى «AMANAT» پارتياسى ءۇشىن داۋىس بەرۋگە ۇندەدى.

ودان كەيىن كەيىن قالالىق ءماسليحات دەپۋتتىعىنان ۇمىتكەرلەر «كوكتال» شاعىن اۋدانىن ارالاپ، دۇكەن-دۇڭگىرشەكتەرگە باس سۇعىپ، جۇرتشىلىقپەن جۇزدەستى، الداعى سايلاۋدا بەلسەندى بولۋعا شاقىردى.

*استانا قالاسى ءماسليحاتىنىڭ دەپۋتاتتارىن سايلاۋدا پارتيالىق ءتىزىمدى ۇسىنعان «AMANAT» پارتياسىنىڭ سايلاۋ قورىنىڭ قاراجاتىنان تولەندى.

Abai.kz