ەرەن تۋعان ەر بەكزاتتى ەسكە الدى
قازاق سپورتىنىڭ قۇلاگەرى، سيدنەي وليمپياداسىنىڭ جەڭىمپازى، ۇلتتىق ماقتانىشىمىز بەكزات سەيىلحانۇلى ساتتارحانوۆ اعامىز ءتىرى بولعانىندا ۇستىمىزدەگى جىلدىڭ 4 ساۋىرىندە ءوزىنىڭ 33 جاسقا تولعان تۋىلعان كۇنىن قالىڭ ەلىنىڭ ورتاسىندا امان-ەسەن اتاپ وتەتىن ەدى... جيىرما جاسىندا شارشى الاڭدا قارسىلاستارىنا ەسە بەرمەي ەسەڭگىرەتىپ، وليمپ شىڭىن باعىندىرعان دارابوزدىڭ رۋحىنا تاعزىم ەتۋ ماقساتىندا «انكارا قازاق جاستارى» بىرلەستىگىنىڭ مۇشەلەرى ەسكە الۋ كەشىن وتكىزدى.
الىپتاردى القىندىرعان الاماندا التىننان القا تاعىنىپ، كوك بايراعىمىزدى بيىكتە جەلبىرەتكەن ورەنجۇيرىكتىڭ سپورت الەمىنىڭ تابالدىرىعىن اتتاۋىنان باستاپ، سيدنەيدەگى اقسارباس ايتقىزىپ، اق تۇيەنىڭ قارنى جارىلعان، قۋانىشتان كوزدىڭ جاسىن ىرشىتقان تاريحي ساتكە دەيىنگى جەڭىستى جولى بايىپپەن باياندالدى.
كورنەكتى رەجيسسەر ساتىبالدى تەكەەۆتىڭ «بەكزات» دەرەكتى ءفيلمىنىڭ نازارعا ۇسىنىلۋى - كەلەلى كەشتىڭ ماڭىزىن كەمەرىنەن اسىردى. بايشەشەك عۇمىرلى باتىردىڭ بىلعارى قولعاپتى ونەردىڭ سيقىرىنا ەلتىگەن بوزبالا شاعىنان ۇلت مەرەيىن تاسىتىپ، وشپەس داڭققا كەنەلگەن كەرنەۋلى كەزەڭى مەن قابىرعانى قايىستىرعان قازاسىنا دەيىنگى مەرزىم شەبەر سۋرەتتەلگەن دەرەكتى دۇنيەنى تاپجىلماي تاماشالاعان جاستار بەكزات اعانىڭ وزىمەن جۇزدەسكەندەي عاجايىپ ءبىر كۇي كەشتى.
قازاق سپورتىنىڭ قۇلاگەرى، سيدنەي وليمپياداسىنىڭ جەڭىمپازى، ۇلتتىق ماقتانىشىمىز بەكزات سەيىلحانۇلى ساتتارحانوۆ اعامىز ءتىرى بولعانىندا ۇستىمىزدەگى جىلدىڭ 4 ساۋىرىندە ءوزىنىڭ 33 جاسقا تولعان تۋىلعان كۇنىن قالىڭ ەلىنىڭ ورتاسىندا امان-ەسەن اتاپ وتەتىن ەدى... جيىرما جاسىندا شارشى الاڭدا قارسىلاستارىنا ەسە بەرمەي ەسەڭگىرەتىپ، وليمپ شىڭىن باعىندىرعان دارابوزدىڭ رۋحىنا تاعزىم ەتۋ ماقساتىندا «انكارا قازاق جاستارى» بىرلەستىگىنىڭ مۇشەلەرى ەسكە الۋ كەشىن وتكىزدى.
الىپتاردى القىندىرعان الاماندا التىننان القا تاعىنىپ، كوك بايراعىمىزدى بيىكتە جەلبىرەتكەن ورەنجۇيرىكتىڭ سپورت الەمىنىڭ تابالدىرىعىن اتتاۋىنان باستاپ، سيدنەيدەگى اقسارباس ايتقىزىپ، اق تۇيەنىڭ قارنى جارىلعان، قۋانىشتان كوزدىڭ جاسىن ىرشىتقان تاريحي ساتكە دەيىنگى جەڭىستى جولى بايىپپەن باياندالدى.
كورنەكتى رەجيسسەر ساتىبالدى تەكەەۆتىڭ «بەكزات» دەرەكتى ءفيلمىنىڭ نازارعا ۇسىنىلۋى - كەلەلى كەشتىڭ ماڭىزىن كەمەرىنەن اسىردى. بايشەشەك عۇمىرلى باتىردىڭ بىلعارى قولعاپتى ونەردىڭ سيقىرىنا ەلتىگەن بوزبالا شاعىنان ۇلت مەرەيىن تاسىتىپ، وشپەس داڭققا كەنەلگەن كەرنەۋلى كەزەڭى مەن قابىرعانى قايىستىرعان قازاسىنا دەيىنگى مەرزىم شەبەر سۋرەتتەلگەن دەرەكتى دۇنيەنى تاپجىلماي تاماشالاعان جاستار بەكزات اعانىڭ وزىمەن جۇزدەسكەندەي عاجايىپ ءبىر كۇي كەشتى.
ايبىنىمىزعا اينالعان اردا ازاماتىمىزدىڭ كوزىن كورىپ، ارالاسۋ باقىتى بۇيىرعان زامانداستارى، تۇركىستاندىق بىلىمگەرلەر جامبىل ەراليەۆ، ەرلان الاشباەۆ پەن نۇرجان ابيشەۆتەر تەبىرەنىسكە تولى ەستەلىكتەرىن ورتاعا سالدى. دىنمۇحاممەد امەتبەك بولسا، سەكەن تۇرىسبەكوۆتىڭ «كوڭىل تولقىنىن» ناقىشىنا كەلتىرە شەرتىپ، كوڭىل پەرنەلەرىن ءدوپ باستى.
ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ستۋدەنتى، جاس اقىن توقتار جەتپىسبايۇلى بەكزات اعامىزعا ارنالعان «ناز» ولەڭىندە:
و، عاجايىپ ءتاڭىر بەرگەن ۇلىلىق،
قاتالدىققا كەتتى مە الدە بۇعىنىپ.
جەر استىندا قالاي جاتىر كومىلىپ،
جەر بەتىنە سىيماي كەتكەن جۇدىرىق...-دەپ جىرلاعانىنداي، مارقۇمنىڭ رۋحىنا قۇران باعىشتاۋمەن قورىتىندىلانعان تاعىلىمدى كەشتەن سوڭ سايىپقىران ساڭلاقتىڭ كۇردەلى بولمىسى ايقىندالا، ەرەسەن ەرلىگىنە قاپىسىز قۇرمەت ەسەلەنە ءتۇستى.
مىرزاحان بايبولوۆ،
گازي ۋنيۆەرسيتەتىنىڭ دوكتورانتى.
انكارا.
