«ءدىن جانە جاستار»: ۇندەۋ
«ءدىن جانە جاستار» رەسپۋبليكالىق عىلىمي-تاجىريبەلىك
كونفەرەنتسياعا قاتىسۋشىلاردىڭ
ۇندەۋى
ءبىز، «ءدىن جانە جاستار» رەسپۋبليكالىق عىلىمي-تاجىريبەلىك كونفەرەنتسياعا قاتىسۋشىلار، قوعامدىق دۇنيەتانىمدى جانە ادامنىڭ تۇرمىس قالپىن قالىپتاستىرۋداعى ءدىننىڭ وسكەلەڭ ءرولىن، سونداي-اق قوعام مەن مەملەكەتتى دامىتۋداعى جاستاردىڭ ۇلكەن الەۋەتىن ەسكەرە كەلە، قازاقستان رەسپۋبليكاسىنىڭ جاستارىنا ۇندەۋ جولدايمىز.
تاۋەلسىزدىك جىلدارىندا قالىپتاسقان كونفەسسياارالىق بەيبىتشىلىك پەن كەلىسىمنىڭ بىرەگەي قازاقستاندىق ۇلگىسى مەملەكەتتىڭ ەكونوميكالىق جانە الەۋمەتتىك تۇرعىدا دامۋى ءۇشىن بەرىك نەگىزدى قۇرۋدى قامتاماسىز ەتتى. قازاقستان حالقى دىنارالىق سۇحبات ورناتۋ ناتيجەسىندە قوعام ىشىندە ءوزارا ءتۇسىنىسۋ مەن ءوزارا قۇرمەتتەۋدىڭ مىزعىماس قۇندىلىقتارى مەن داستۇرلەرىن ساقتاپ قالدى.
قازاقستاندا تاۋەلسىز مەملەكەتتىڭ ءوسىپ-وركەندەۋى جولىندا 140 ۇلىس پەن 17 كونفەسسيا وكىلدەرى تاتۋلىقتا تۇرىپ، ادال ەڭبەك ەتىپ ءجۇر.
«ءدىن جانە جاستار» رەسپۋبليكالىق عىلىمي-تاجىريبەلىك
كونفەرەنتسياعا قاتىسۋشىلاردىڭ
ۇندەۋى
ءبىز، «ءدىن جانە جاستار» رەسپۋبليكالىق عىلىمي-تاجىريبەلىك كونفەرەنتسياعا قاتىسۋشىلار، قوعامدىق دۇنيەتانىمدى جانە ادامنىڭ تۇرمىس قالپىن قالىپتاستىرۋداعى ءدىننىڭ وسكەلەڭ ءرولىن، سونداي-اق قوعام مەن مەملەكەتتى دامىتۋداعى جاستاردىڭ ۇلكەن الەۋەتىن ەسكەرە كەلە، قازاقستان رەسپۋبليكاسىنىڭ جاستارىنا ۇندەۋ جولدايمىز.
تاۋەلسىزدىك جىلدارىندا قالىپتاسقان كونفەسسياارالىق بەيبىتشىلىك پەن كەلىسىمنىڭ بىرەگەي قازاقستاندىق ۇلگىسى مەملەكەتتىڭ ەكونوميكالىق جانە الەۋمەتتىك تۇرعىدا دامۋى ءۇشىن بەرىك نەگىزدى قۇرۋدى قامتاماسىز ەتتى. قازاقستان حالقى دىنارالىق سۇحبات ورناتۋ ناتيجەسىندە قوعام ىشىندە ءوزارا ءتۇسىنىسۋ مەن ءوزارا قۇرمەتتەۋدىڭ مىزعىماس قۇندىلىقتارى مەن داستۇرلەرىن ساقتاپ قالدى.
قازاقستاندا تاۋەلسىز مەملەكەتتىڭ ءوسىپ-وركەندەۋى جولىندا 140 ۇلىس پەن 17 كونفەسسيا وكىلدەرى تاتۋلىقتا تۇرىپ، ادال ەڭبەك ەتىپ ءجۇر.
وسىعان وراي، ۇلت كوشباسشىسى - پرەزيدەنت نۇرسۇلتان ءابىشۇلى نازارباەۆتىڭ ساياساتىن قولداي وتىرىپ، ءبىز ءدىندى كونفەسسياارالىق نەمەسە ەتنوسارالىق ارازدىقتى قوزدىرۋ، ەلدىڭ كونستيتۋتسيالىق قۇرىلىسىن بۇزۋ نەمەسە ازاماتتاردىڭ قۇقىقتارى مەن بوستاندىقتارىن شەكتەۋ سياقتى ادامگەرشىلىككە قارسى كەز-كەلگەن وي-ماقساتتاردا جانە زاڭعا قايشى ارەكەتتەردە پايدالانۋعا باتىل قارسى شىعامىز.
ۇلت كوشباسشىسىنىڭ قازاقستان حالقىنا ارنالعان جىل سايىنعى جولداۋىنا سايكەس، ار-وجدان جانە ءدىني سەنىم بوستاندىعى قاعيداتتارىن، تولەرانتتىلىق پەن دىنگە ەرىكتىلىك داستۇرلەرىن ۇستانا وتىرىپ، ءبىز دىنگە قاتىستى ماسەلەلەرگە بايىپپەن قاراۋدىڭ ماڭىزدىلىعىنا ەرەكشە كوڭىل اۋدارىپ، ەلباسىمىزدىڭ «...مەملەكەتىمىزدىڭ زايىرلى سيپاتى - قازاقستاننىڭ تابىستى دامۋىنىڭ ماڭىزدى شارتى» دەگەن ءسوزىن باسشىلىققا الۋعا شاقىرامىز.
مەملەكەت باسشىسىنىڭ زايىرلى، ەكونوميكالىق دامىعان ەلىمىزدىڭ قارىشتاپ دامۋى ءۇشىن جاعداي جاساۋ ماقساتىندا جۇزەگە اسىرىپ وتىرعان جاستار ساياساتىنا قولداۋ بىلدىرە وتىرىپ، ءبىز اعا ۇرپاقتىڭ جانقيارلىق ەڭبەكتەرىن باعالاۋعا جانە ولاردىڭ قول جەتكىزگەن جەتىستىكتەرىن ودان ءارى كوبەيتە بەرۋگە ۇندەيمىز.
ءبىز جاستاردى قوعامىمىزدىڭ يگىلىگى ءۇشىن ەڭبەك ەتىپ، ارامىزدا جۇرگەن دارىندى تۇلعالاردىڭ، عالىمدار مەن دارىگەرلەردىڭ، ۇستازداردىڭ، ونەر جانە اسكەري ادامداردىڭ، ساياساتكەرلەر مەن قوعامنىڭ باسقا دا ابىرويلى مۇشەلەرىنىڭ كۇندەلىكتى ومىردەگى ەرەن ەڭبەكتەرىنەن ساباق الىپ، وتانشىل رۋحتىڭ شىنايى ءمانىن تۇسىنۋگە شاقىرامىز.
الەمدىك جانە ءداستۇرلى دىندەردىڭ شىنايى قاعيداتتارى ادامدى تانىپ-بىلۋگە جىگەرلەندىرەدى. سوندىقتان جاستارىمىز التىن ۋاقىتتارىن وزىق ءبىلىم الۋعا جۇمساپ، ءوز ىستەرىنىڭ ناعىز مامانى بولۋعا ۇمتىلۋى ءتيىس.
جاڭا عىلىمي-تەحنيكالىق جەتىستىكتەر زامانىندا جاستاردىڭ بار كۇش-جىگەرى مەملەكەت پەن قوعامنىڭ ءوسىپ-وركەندەۋى مەن يگىلىگىنىڭ ارتۋىنا باعىتتالۋ قاجەت.
ءبىز قازاقستاننىڭ بايىرعى قازاق جەرىندە تولەرانتتىق پەن دىنگە ەرىكتىلىك قاعيداتتارىنا نەگىزدەلگەن تاتۋلىقتا ءارتۇرلى ۇلىستاردىڭ، مادەنيەتتەر مەن دىندەردىڭ وكىلدەرى عاسىرلار بويى تۇرعانىن ۇمىتپاۋىمىز كەرەك.
بۇگىنگى ءبىزدىڭ ەلدەگى دىنارالىق بەيبىتشىلىك بۇل تەك قانا تاريحي تاجىريبە ەمەس، سونىمەن قاتار ءبىز ساقتاپ قالۋعا جانە دامىتۋعا ءتيىس ۇلى مۇرا بولىپ تابىلادى.
ەلىمىزدىڭ جاستارى ءدىن ماسەلەسىندەگى ۇستاز تاڭداۋدا ساق بولىپ، وزدەرىنىڭ ءىس-ارەكەتتەرىن قوعامدا قالىپتاسقان ءجۇرىس-تۇرىس جانە مورالدىق-ادامگەرشىلىك نورمالار مەن زاڭدىلىقپەن باعامداي وتىرىپ سانالى ارەكەت ەتۋلەرى ءتيىس. بۇل جەردە كەز-كەلگەن ادامنىڭ وسى ماسەلەلەردەگى قاتەلىگى ءوزىنىڭ تۋعان-تۋىسقاندارىنىڭ ومىرلەرىنە ىقپال ەتەتىنىن ءتۇسىنۋ كەرەك.
ءبىز وتانشىل جانە وجەت قازاقستان جاستارىنىڭ مەملەكەت پەن قوعام تاراپىنان ءبىلدىرىلىپ وتىرعان سەنىمدى اقتايتىنىنا سەنىمدىمىز.
ءبىزدىڭ ورتاق ماقساتىمىز - ءبىرتۇتاس، تۇراقتى جانە تاۋەلسىز قازاقستان!
اتىراۋ قالاسى، 12 ءساۋىر 2013 جىل
Abai.kz
