ءماجىلىستىڭ ءبىر توپ دەپۋتاتى سولتۇستىك قازاقستانداعى وقيعاعا بايلانىستى باس پروكۋرور بەرىك اسىلوۆقا حات جازدى.

حاتتا الەۋمەتتىك جەلىدە تاراعان ۆيدەودا سولتۇستىك قازاقستان وبلىسىنىڭ بىرنەشە ازاماتىنىڭ ۇندەۋى كونستيتۋتسياعا قايشى ءارى سەپاراتيزمگە شاقىرۋ ەكەنى ايتىلعان. ءارى مەملەكەتتىڭ تۇتاستىعى مەن ۋنيتارلىعىنا قارسى ارەكەت قىلمىس كودەكس بويىنشا 7 جىل مەرزىمگە باس بوستاندىعىنان ايرىۋعا اپاراتىنى ايتىلعان.

دەپۋتاتتار وسى وقيعاعا بايلانىستى باس پروكۋروردان تەكسەرىس جۇرگىزۋدى قاجەت بولعان جاعدايدا پروكۋرورلىق جەدەل ارەكەتتەردى قولعا الۋعا شاقىرعان.

حاتقا ا.قۇسپان، ە.باپي، ە.سايروۆ، ا.سارىم، ن.سارسەنعاليەۆ، ر.زايىتوۆ، ب.بازاربەك، م.تولىقباي، ق.يسا، م.ابەنوۆ، ءا.جۇبانوۆ، ج.امانتاي قاتارلى دەپۋتاتتار قول قويعان.

– ءبىز بۇل شاعىن عانا حاتپەن شەكتەلىپ قالمايمىز. مۇنى مىندەتتى تۇردە ءارى قاراي قاداعالايتىن بولامىز. جانە باس پروكۋراتۋرانىڭ وكىلىن پارلامەنتكە الدىرىپ، بۇل ءىس تۋرالى ەسەپ الاتىن بولامىز، – دەدى دەپۋتات ابزال قۇسپان arasha-عا بەرگەن پىكىرىندە.

سونداي-اق، سولتۇستىك قازاقستان وبلىسى ءماسليحاتىنىڭ دەپۋتاتى ەرباقىت امانتايۇلى جەرگىلىكتى پروكۋراتۋرا مەن پوليتسيا دەپارتامەنتىنەن ارنايى مالىمەتتەر كۇتىپ وتىرعانىن جەتكىزدى. ول اقپاراتتاردى دا جاريالايتىن بولامىز.

ازىرگە ۇقك، باس پروكۋراتۋرا وقيعاعا قاتىستى مالىمدەمە جاسامادى. قاۋىپسىزدىك كەڭەسىنىڭ شۇعىل شاقىرىلىمى دا بولعان جوق.

Abai.kz