ەۋروپالىق وداقتىڭ (ەو) cانكتسيالار جونىندەگى ارنايى وكىلى دەۆيد و ' سالليۆان قازاقستانعا كەلەدى، دەپ جازدى قازتاگ. بۇل تۋرالى ەو ەلشىسى كەستۋتيس يانكاۋسكاس حابارلاعان.

«ەو سانكتسيالارىنا كەلەر بولساق، ولار سوعىس اگرەسسورلارىنا – رەسەي مەن بەلارۋسسياعا قارسى باعىتتالعان. ەۋروپالىق وداق سانكتسيالاردىڭ قالاي جۇمىس ىستەيتىنىن، ساۋدا اعىندارىنىڭ قالاي وزگەرىپ جاتقانىن مۇقيات قاداعالاپ وتىر. ءبىز بۇل ماسەلەنى قازاقستاندىق سەرىكتەستەرىمىزبەن بىرنەشە رەت تالقىلادىق. قازىر ءبىز ەو ساراپشىلارى ۆەدومستۆوارالىق توبىنىڭ، ونىڭ ىشىندە سانكتسيالار جونىندەگى ارنايى وكىل دەۆيد و 'سالليۆاننىڭ 24-25 ساۋىردە استاناعا ساپارىنا دايىندالىپ جاتىرمىز. وندا سانكتسيالارعا بايلانىستى كوپتەگەن ماسەلەلەر تالقىلانادى»،-دەدى يانكاۋسكاس.

ەو-نىڭ قازاقستانداعى ەلشىسى اتاپ وتكەندەي، قازىر جۇمىستار جۇرگىزىلۋدە.

«ءبىز قازاقستان ىنتىماقتاستىققا كەلە وتىرىپ، سانكتسيالاردى اينالىپ ءوتۋ ماسەلەلەرىن شەشەدى دەپ ۇمىتتەنەمىز. ەگەر ناتيجە بولماسا، ءبىز سانكتسيالىق تاۋارلاردىڭ رەسەي مەن بەلارۋس نارىعىنا جىبەرمەۋدىڭ باسقا امالدارىن قاراستىرامىز»، - دەپ قوستى يانكاۋسكاس.

ايتا كەتەيىك، و ' سالليۆان قاڭتار ايىندا سانكتسيالار بويىنشا ارنايى وكىل رەتىندە جۇمىسقا كىرىسكەن.

Abai.kz