11 جىلدىڭ ىشىندە قازاقستاندىقتار پوليتسياعا ەرىكتى تۇردە 56 مىڭنان استام قارۋ مەن 2 ملن استام پوترون تاپسىرعان. بۇل تۋرالى ءىىم وتكەن بريفينگىدە اكىمشىلىك پوليتسيا كوميتەتى قارۋ اينالىمىن باقىلاۋ ءبولىمىنىڭ باستىعى اسىلبەك ىدىرىسوۆ ايتتى.

«قارۋدى قولدانا وتىرىپ جاسالاتىن قىلمىستىڭ الدىن الۋ ماقساتىندا ءىىم حالىقتان زاڭسىز ساقتالعان قارۋ-جاراقتاردى ساتىپ الۋ بويىنشا رەسپۋبليكالىق اكتسيانى 2008 جىلدان بەرى وتكىزىپ كەلەدى. 11 جىلدىڭ ىشىندە اتالعان اكتسيا بارىسىندا جالپى سوماسى 1,9 ملرد تەڭگەگە 56 مىڭنان استام اتىس قارۋى جانە 2 ملن استام ويىق قارۋدىڭ پاتروندارى ەرىكتى تۇردە تاپسىرىلدى. وتكەن جىلدىڭ قورتىندىسى بويىنشا جالپى سوماسى 89 ملن تەڭگەگە 1 400-دەن استام ويىق قارۋ قابىلداندى. ونىڭ ىشىندە ەڭ كوپ قارۋ تۇركىستان وبلىسىندا تاپسىرىلدى. بۇل شارالار كيرمينوگەندىك احۋالعا وڭ سەپتىگىن تيگىزدى. سوڭعى بەس جىلدا قارۋمەن جاسالعان قىلمىستاردىڭ سانى ەداۋىر ازايعان»، - دەدى اسىلبەك ىدىرىسوۆ.

سپيكەردىڭ ايتۋىنشا، بيىل قارۋ تاپسىرۋ اكتسياسى 10 ساۋىردە باستالادى. ول ءۇشىن رەسپۋبليكالىق بيۋدجەتتەن 89 ملن تەڭگە بولىنگەن.

Abai.kz