ارمەنيا قورعانىس مينيسترلىگى اتىس سيۋنيك وبلىسىنىڭ تەح اۋىلىندا بولعانىن مالىمدەدى.
"11 ساۋىردە 16:00 شاماسىندا ءازىربايجان قارۋلى كۇشى تەح اۋىلىندا جۇرگىزىلىپ جاتقان ينجەنەرلىك جۇمىسقا وق اتقان. ارمەنيا دا قارسى جاۋاپ بەردى", - دەلىنگەن مەكەمە مالىمەتىندە. ارمەنيا قايتىس بولعاندار بار دەدى.
ءازىربايجاننىڭ قورعانىس مينيسترلىگى ارمەنيا قارۋلى كۇشى لاچين اۋدانىنداعى ازەربايجان ارمياسىنا قارسى وق اتتى دەپ مالىمدەدى.
"تەح اۋىلى جاقتان وق اتىلدى. ءازىربايجان قارۋلى كۇشى دە قارسى جاۋاپ بەردى", - دەلىنگەن ءازىربايجان قورعانىس مينيسترلىگى تاراتقان مالىمدەمەدە. تاسس حابارلاۋىنشا، ءۇش ادام قايتىس بولعان.
ارمەنيا مەن ءازىربايجان اراسىندا تاۋلى قاراباح ءۇشىن تارتىس 1980 جىلداردان بەرى جالعاسىپ كەلەدى.
2020 جىلدىڭ قىركۇيەك ايىندا ءازىربايجان تاۋلى قاراباقتاعى وزىنە تيەسىلى جەردى جانە شۋشا قالاسىن قايتارىپ العان. كەلەسى كۇنى رەسەيدىڭ ارااعايىندىعىمەن ارمەنيا مەن ءازىربايجان بەيبىت كەلىسىمگە كەلگەن.
