سيريادا سودىر بولعان قازاقستاندىقتىڭ 7 جاسار قىزى 11 ناۋرىزدا ەلگە جەتكىزىلدى. قولداۋ ورتالىعىنا ورنالاستىرىلعان ءبۇلدىرشىن جاقىندا تۋىستارىنا تابىستالماق، دەپ حابارلايدى ۇلتتىق قاۋىپسىزدىك قىزمەتى.

قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى مۇددەلى مەملەكەتتىك ورگاندارمەن، سونداي-اق شەتەلدىك سەرىكتەستەرىمەن بىرلەسىپ، ازاماتتاردى تەرروريستىك بەلسەندىلىك ايماقتارىنان قايتارۋ بويىنشا قارقىندى جۇمىستى جالعاستىرىپ جاتىر.

11 ناۋرىز كۇنى سيريادا سودىر بولعان قازاقستاندىقتىڭ 7 جاسار قىزى ەلگە جەتكىزىلدى. ونى قايتارۋ بويىنشا گۋمانيتارلىق وپەراتسيا جارتى جىلدان استام ۋاقىت بويى جۇرگىزىلگەن.

قازىر ءبۇلدىرشىن استانا قالاسىنىڭ بالالاردى قولداۋ ورتالىعىندا، پسيحولوگيالىق جاي-كۇيى قاناعاتتانارلىق. ونى مەديتسينالىق تەكسەرۋدەن وتكىزىپ، بەيىمدەۋ جانە وڭالتۋ جۇمىستارى جۇرگىزىلىپ جاتىر. جاقىندا تۋىستارىنىڭ قاتارىنان قامقورشىلارعا بەرىلەتىن بولادى.

ايتا كەتسەك، 2019 جىلدان باستاپ ۇقك تەرروريستىك بەلسەندىلىك ايماقتارىنان 518 كامەلەتكە تولماعان بالانى، ونىڭ ىشىندە 34 جەتىمدى قازاقستانعا قايتاردى.

Abai.kz