كەشە گەرمانيا قورعانىس مينيسترلىگى پولشا تارابىنىڭ وتىنىشىنە ساي وزدەرى ساتىپ بەرگەن «ميك-29» ۇشاعىنىڭ 5 داناسىن  ۋكرايناعا بەرۋگە كەلىسىمىن بەرگەنىن مالىمدەدى. ونىڭ الدىندا سلوۆاكيا ۋكرايناعا وسى ءتيپتى ۇشاقتى بەرەتىنىن مالىمدەگەن.

1990 جىلى ەكى گەرمانيا قوسىلعان كەزدە نەمىس ۇكىمەتى كەڭەس وداعىنان قالعان سول زامانداعى ەڭ وزىق سوعىس ۇشاعى سانالاتىن ميك-29 ۇشاعىنىڭ 24 داناسىنا يە بولعان. 2003 جىلى ونىڭ 22 داناسىن پولشاعا ساتىپ بەرگەن. ەكى جاقتى كەلىسىم بويىنشا، ەگەر پولشا ول قارۋلاردى ءۇشىنشى تاراپقا بەرمەك بولسا، گەرمانيا تارابىنىڭ رۇقساتىن الۋى كەرەك بولعان. الدىندا دا گەرمانيا ۋكرايناعا تانك بەرۋ ماسەلەسىندە ەكىۇداي بولىپ، ارتىنان كەلىسىمىن بەرگەن ەدى.

«ەۋروپانىڭ قاۋىپسىزدىگى ءۇشىن سوعىسىپ ءجۇرمىز»، - دەگەن زەلەنسكي ناتو ەلدەرىن وزدەرىنە F-16 سوعىس ۇشاعىن بەرۋگە ۇندەپ كەلەدى. بىراق، مۇشە ەلدەر سوعىستىڭ باسقا باعىتقا بەت الىپ، شيەلەنىسۋىنەن ساقتانىپ، ازىرگە تارتىنىپ تۇر. بىراق، انگليا، فرانتسيا، نيدەرلاند بەرۋگە كەتارى ەمەس ەكەنىن جاسىرمايدى. اعىلشىن اسكەريلەرى ۋكراينا ۇشقىشتارىن تاربيەلەۋگە كىرىسىپ تە كەتتى.

تاياۋدا الەمجەلىدە جاريا بولعان «امەريكانىڭ قۇريا قۇجاتتارى» دەلىنگەن ماتەريالدا ناتو اسكەرىنىڭ ۋكراينادا جۇرگەنى، پەنتاگوننىڭ سوعىس ۇشاعىن بەرگەنى ايتىلعان. ۋكراينا تارابى ول قۇجاتتاردى رەسەيدىڭ كەزەكتى ويىنى دەسە، كرەمل تارابى اق ءۇيدى ارانداتىپ وتىر دەپ ايىپتاعان.

كەشە امەريكانىڭ زاڭ ورىندارى قۇپيا قۇجاتتاردى جاريا ەتتى دەگەن كۇدىكپەن 21 جاستاعى ماسساچۋسەتس شتاتى تەڭىز ارمياسى ازاماتتىق ءبولىمىنىڭ اقپارات شتابىنىڭ مۇشەسى Jack Douglas Teixeira ۇستالعانىن مالىمدەدى. ول قۇپيا قۇجاتتار العاش جاريالانعان «Discord» كومپيۋتەر ويىنشىلارى توبىنىڭ ادمينى ەكەن.

Abai.kz