«قازاقستان حالقىنا» قورى قاڭتار وقيعالارىندا زارداپ شەككەن 614 ادامعا جالپى سوماسى 2 ميلليارد 434 ميلليون تەڭگە تولەدى.

ابايسىزدا قازا تاپقان 145 ازاماتتىڭ وتباسىنا 1 ميلليارد 15 ميلليون تەڭگەدەن كومەك كورسەتىلگەن.

قايتىس بولعان ازاماتتاردىڭ وتباسىنداعى كامەلەتكە تولماعان 131 بالاعا 262 ميلليون تەڭگە ءبولىندى.

اتىس قارۋىنان جاراقات الىپ، جابىرلەنۋشى دەپ تانىلعان 200-دەن استام اۋىر جاراقاتتانعان كامەلەتكە تولعان ازامات قوردان 606 ميلليون تەڭگە الدى.

جاراقات العان 13 بالانىڭ وتباسىنا 39 ميلليون تەڭگە بەرىلدى.

قازا تاپقان 19 اسكەري قىزمەتكەردىڭ، ىشكى ىستەر جانە ۇلتتىق قاۋىپسىزدىك ورگاندارى قىزمەتكەرلەرىنىڭ وتباسىنا قوردان 133 ميلليون تەڭگە ءبولىندى.

اۋىر جاراقات العان 111 اسكەري قىزمەتكەرگە، ىشكى ىستەر جانە ۇلتتىق قاۋىپسىزدىك ورگاندارىنىڭ قىزمەتكەرلەرىنە 333 ميلليون بەرىلدى.

قايتىس بولعان اسكەري قىزمەتكەرلەردىڭ، ىشكى ىستەر جانە ۇلتتىق قاۋىپسىزدىك ورگاندارى قىزمەتكەرلەرىنىڭ وتباسىنداعى 23 كامەلەتكە تولماعان بالاعا 46 ميلليون تەڭگە ءبولىندى.

Abai.kz