ماڭعىستاۋدا ماگنيتۋداسى 4,7 جەر سىلكىنىسى سەزىلدى. بۇل تۋرالى ەۋروپالىق جەرورتا تەڭىزى سەيسمولوگيالىق ورتالىعى اقپارات تاراتتى.

«جەراستى ءدۇمپۋى استانا ۋاقىتى بويىنشا ساعات 13:25-تە تىركەلدى. ەپيتسەنترى فورت-شەۆچەنكودان سولتۇستىك-شىعىسقا قاراي 187 شاقىرىم جانە شەتپەدەن سولتۇستىككە قاراي 104 شاقىرىم جەردە ورنالاسقان. وشاق 10 شاقىرىم تەرەڭدىكتە جاتتى»، - دەلىنگەن مالىمەتتە.

وبلىس تۇرعىندارى جەر سىلكىنىسى سەزىلگەنىن بىردەن الەۋمەتتىك جەلىدە جازدى.

«جەر سىلكىنىسى ءدۇمپۋىن سەزىندىم. سەگىزىنشى قاباتتا تۇرامىز. ەدەن دىرىلدەپ، جارىق شامدارى قوزعالدى»، - دەپ جازادى اقتاۋ قالاسى شاعىن اۋداندارىنىڭ ءبىرىنىڭ تۇرعىنى امانكەلدى بايزراحمان.

بۇل جەر سىلكىنىسىنەن كەيىن وڭىردە ەشقانداي زالال تۋرالى اقپارات تىركەلمەگەن.

Abai.kz