قازاقستاندىق ەلەكتر ەنەرگەتيكالىق قاۋىمداستىعىنىڭ توراعاسى تالعات تەمىرحانوۆ جۇمىس ساپارى اياسىندا ەكىباستۇز قالاسىنىڭ جەو جوندەۋ جۇمىستارىنىڭ بارىسىمەن تانىستى.

«ورتالىق ازيا ەلەكتر ەنەرگەتيكالىق كورپوراتسياسى» اق توراعاسى باعداد ورالدىڭ ايتۋىنشا، ەكىباستۇز جەو جاڭعىرتۋعا شامامەن 14 ملرد تەڭگە قاجەت بولادى. جوسپارعا سايكەس 5 قازاندىقتى تاپسىرۋ بيىل قازان ايىندا وتەدى. جوبانى ءساتتى جۇزەگە اسىرۋ ءۇشىن بىلىكتى ماماندار قاجەت. جوندەۋ جۇمىستارىنىڭ بەلسەندى كەزەڭىندە 350-گە جۋىق ادامدى تارتۋ جوسپارلانىپ وتىر.

قازىرگى كەزدە جەو قىزمەتكەرلەرىنىڭ جالاقىسىن ارتتىرۋ ماسەلەسى پىسىقتالىپ جاتىر. 2022 جىلدىڭ جەلتوقسانىندا قابىلدانعان زاڭ مامانداردىڭ جالاقىسىن تۇزەتىپ، سالاعا جاڭا ءارى جوعارى بىلىكتى كادرلاردى تارتۋعا مۇمكىندىك بەرەدى.

«جىلۋ جانە ەلەكتر ستانتسيالارىنىڭ تۇراقتى جۇمىسىنىڭ كەپىلى – قاتتى وتىنمەن قامتاماسىز ەتەتىن كومىر ءوندىرۋشى كومپانيالار. وتكەن جىلىتۋ ماۋسىمىندا كاسىپورىندار ءوز قويمالارىندا وتىننىڭ قاجەتتى دەڭگەيىنىڭ تومەندەۋىنە تاپ بولدى»، - دەيدى «قازاقستاندىق ەلەكتر ەنەرگەتيكاسى قاۋىمداستىعىنىڭ» توراعاسى تالعات تەمىرحانوۆ.

بۇگىندە كومىر ونەركاسىبى كاسىپورىندارى 75%-عا دەيىن جەتەتىن تاۋ-كەن تەحنيكاسىنىڭ جوعارى توزۋ پروبلەماسىنا تاپ بولىپ وتىر. ونى شەشۋ ءۇشىن تەحنيكا مەن جابدىقتار پاركىن جاڭارتۋ قاجەت. بۇل ءوز كەزەگىندە توقتاپ قالۋ ۋاقىتىن مينيمۋمعا دەيىن قىسقارتۋعا مۇمكىندىك بەرەدى. سونداي-اق جوندەۋ ناۋقانى الداعى جۇمىسقا وڭ اسەر ەتەدى. تەك ونى ىسكە قوسۋ ءۇشىن بولشەكتەر قاجەت.

كومپونەنتتەردى ساتىپ الۋعا شەكتەۋلەرگە بايلانىستى جەتكىزۋشى كومپانيالار قازىرگى كەزدە رەسەيلىك ءوندىرىس تەحنيكاسىنا قوسالقى بولشەكتەر بەرە المايدى. قوسالقى بولشەكتەردى ۋاقتىلى جەتكىزبەۋ كومىر ءوندىرۋدىڭ جوسپارلانعان كولەمىنە تىكەلەي اسەر ەتۋى مۇمكىن. بۇل كەلەسى جىلىتۋ ماۋسىمىنا دەيىن قاتتى وتىن باعاسىنىڭ وسۋىنە سەبەپ بولۋى مۇمكىن. وسى تۇستا ەنەرگەتيكا سالاسىندا ساتىپ الىناتىن تەحنيكانىڭ 80%-ى رەسەيدە وندىرىلەتىنىن ايتا كەتەيىك.

سونداي-اق كاسىپورىنداردا كادرلاردىڭ اۋىسۋى ماسەلەسى بار، ول 18%-عا جەتتى.

«مامانداردىڭ كەتۋى مونو-قالالار ءۇشىن وزەكتى ماسەلە. قىزمەتكەرلەردى تارتۋ تەك كومپانيالارعا عانا ەمەس، سونىمەن قاتار جەرگىلىكتى اتقارۋشى ورگاندارعا دا بايلانىستى. قالالاردى دامىتۋ بويىنشا باعدارلامالاردى قايتا جانداندىرعان ءجون، - دەپ ەسەپتەيدى «قازاقستاندىق ەلەكتر ەنەرگەتيكالىق قاۋىمداستىعىنىڭ» توراعاسى تالعات تەمىرحانوۆ.

Abai.kz