ۇكىمەت «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنا بيۋدجەتتىك نەسيە بەرۋدىڭ نەگىزگى شارتتارىن بەكىتۋ تۋرالى قاۋلى شىعاردى، دەپ حابارلادى Halyq Uni تىلشىسى.

بيۋدجەتتىك نەسيە «2023-2025 جىلدارعا ارنالعان رەسپۋبليكالىق بيۋدجەت تۋرالى» قر زاڭىندا كوزدەلگەن 050 «ۇلتتىق ەكونوميكانىڭ باسەكەگە قابىلەتتىلىگى مەن ورنىقتىلىعىن قامتاماسىز ەتۋ ءۇشىن «سامۇرىق-قازىنا» ۇلتتىق ءال-اۋقات قورى» اق-عا نەسيە بەرۋ» بيۋدجەتتىك باعدارلاماسى بويىنشا 162 600 000 000 ء(جۇز الپىس ەكى ميلليارد التى ءجۇز ميلليون) تەڭگە سوماسىندا بەرىلەدى، – دەلىنگەن ۇكىمەتتىڭ 20 ساۋىردەگى №314 قاۋلىسىندا.

بيۋدجەتتىك نەسيە قارىز الۋشىعا جىلدىق 0,05 %-عا تەڭ سىياقى مولشەرلەمەسى بويىنشا 30 (وتىز) جىل مەرزىمگە تەڭگەمەن بەرىلەدى.

«قتج» ۇك» اق ءباسپاسوز قىزمەتىنىڭ مالىمەتىنشە، جاقىن ارادا قور، ۇلتتىق ەكونوميكا مينيسترلىگى جانە قارجى مينيسترلىگى نەسيەلىك كەلىسىمگە قول قويىپ، ونىڭ شەڭبەرىندە بيىل رەسپۋبليكالىق بيۋدجەتتەن 162,6 ملرد تەڭگە بولىنەدى. ءارى قاراي قارجىلاندىرۋ ۆاگونداردى ءوندىرۋ جانە شىعارۋدى ۇيىمداستىرۋ كولەمىنە قاراي قامتاماسىز ەتىلەدى.

ۆاگوندار استاناداعى «Stadler Kazakhstan» وندىرىستىك الاڭىندا شۆەيتساريالىق Stadler كومپانياسىنىڭ تەحنولوگياسى بويىنشا قۇراستىرىلادى. 2030 جىلعا قاراي بارلىعى 500-دەن اسا ءتۇرلى موديفيكاتسياداعى ۆاگوندار شىعارىلادى دەپ كۇتىلەدى. ولار نەگىزگى تەمىرجول باعىتتارى بويىنشا الەۋمەتتىك ماڭىزى بار تاسىمالداۋلاردى ۇيىمداستىرۋعا جانە «جولاۋشىلار تاسىمالى» اق ەسكىرگەن پاركىن اۋىستىرۋعا پايدالانىلادى.

انىقتاما ءۇشىن: قتج مەن Stadler اراسىنداعى ىنتىماقتاستىق تۋرالى كەلىسىمگە 2021 جىلدىڭ قاراشاسىندا پرەزيدەنتتىڭ قاتىسۋىمەن جەنەۆادا وتكەن ينۆەستيتسيالىق دوڭگەلەك ۇستەل اياسىندا قول قويىلعان. Stadler كومپانياسى ءوندىرىس ورىندارىن قازاقستاندىق زاۋىتقا كوشىرۋدى باستاپ كەتتى.

Abai.kz