گۇلميرا ساتىبالدى سوتتا سوڭعى ءسوزىن ايتتى. ول ايىپتاۋلارمەن كەلىسپەيتىنىن اتاپ ءوتىپ، سۋديادان ءوزىن اقتاۋدى سۇرادى، دەپ جازدى Ulysmedia.kz.

سوتتالۋشىنىڭ سوزىنشە، ونىڭ ءىسى – ساياسي استارى بار جاساندى تۇردە قۇرىلعان رەزونانستىق ساياسي ءىس.

«ەلدەگى سىني ويلاۋى بار كەز-كەلگەن ادام مەنىڭ ءىسىم ءبىزدىڭ مەملەكەتىمىزدە بولعان ساياسي وزگەرىستەردەن تۋىنداعانىن تۇسىنەدى. مەنى تۇڭعىش پرەزيدەنتتىڭ وتباسىمەن بايلانىستىرادى، مەن ونىڭ تۋعان جيەنى قايرات ساتىبالدىنىڭ ايەلى دەيدى. الايدا مەن قايراتتان 20 جىل بۇرىن اجىراسىپ كەتتىم جانە ساياسي ىقپالىم جوق»، - دەدى گۇلميرا ساتىبالدى سوتتا سويلەگەن سوزىندە.

ول ەلدىڭ مۇددەلەرىنە «شىنىمەن» قول سۇعاتىن ادامداردى جاۋاپ بەرۋگە شاقىردى.

«مەن بۇرىنعى ساياسي رەجيممەن سوعىستا بيلىك قۇرالى بولماۋىم كەرەك، ويتكەنى 20 جىلدان بەرى بۇرىنعى پرەزيدەنتتىڭ  وتباسى مۇشەسى ەمەسپىن. ءبىزدىڭ ساياسي رەجيمىمىز بۇل كۇرەستە قورعانسىز ايەلدى ەمەس، مەملەكەت مۇددەسىنە قول سۇعاتىن ادامداردى تاڭداۋى كەرەك ەدى»، - دەدى ول.

«پروكۋرور ۇستانىمعا بەرىكتىك تانىتىپ، سوتتا مەن اسەر ەتكەن ساياسي قايراتكەرلەردەن جاۋاپ السىن. ولاردىڭ بارلىعى قازىر قايدا؟ ءالى كۇنگە دەيىن بيلىكتە وتىرىپ، زاڭسىز سوت اكتىلەرىن شىعارىپ جاتىر ما؟»،- دەدى ساتىبالدى.

ەسكە سالايىق، 14 ناۋرىزدا استانادا بايقوڭىر اۋدانىنىڭ N2 سوتىندا ەكس-پرەزيدەنت نۇرسۇلتان نازارباەۆتىڭ بۇرىنعى كەلىنى گۇلميرا ساتىبالدى ءىسى بويىنشا نەگىزگى سوت تالقىلاۋى باستالدى.

گۇلميرا ساتىبالدى ادام ۇرلادى جانە وزبىرلىق جاسادى دەپ ايىپتالىپ وتىر. ەكى كاسىپكەر بيزنەستەرى رەيدەرلىك جولمەن باسىپ الىنعانىن ايتتى. سوتتالۋشىلار قاتارىندا گۇلميرا ساتىبالدىدان بولەك، ونىڭ جۇرگىزۋشىسى مەن كومەكشىسى بار. جابىرلەنۋشىلەر – بەلگىلى كاسىپكەر تۇرسەن الاگوزوۆ جانە Maxi Bottlers جشس بۇرىنعى يەسى ايگۇل مەكەشەۆا.

بۇدان بۇرىن حابارلاعانىمىزداي، گۇلميرا ساتىبالدى ءىسى بويىنشا الدىن الا تىڭداۋدا قورعاۋشى تاراپ بۇلتارتپاۋ شاراسىن ءۇي قاماعىنا نەمەسە كەپىلگە وزگەرتۋ تۋرالى ءوتىنىش بىلدىرگەن بولاتىن. سۋديا يماشەۆ ءوتىنىشتى قاناعاتتاندىرۋدان باس تارتىپ، بۇلتارتپاۋ شاراسىن وزگەرىسسىز قالدىردى.

سونداي-اق، پروكۋرور ءالميرا قوجاحمەتوۆا گۇلميرا ساتىبالدى تەرگەۋ بارىسىندا ەلدەن كەتىپ قالۋعا تىرىسقانىن ايتقان.

ايتا كەتسەك، بۇدان بۇرىن  Maxi Bottlers جشس بۇرىنعى يەسى ايگۇل مەكەشوۆا وتەماقى رەتىندە 760 ملن تەڭگەدەن استام اقشا سۇرادى. ول گۇلميرا ساتىبالدىنىڭ بۇيرىعىمەن قالاي ۇرلانعانىن ەگجەي-تەگجەيلى ايتىپ بەرگەن بولاتىن.

الايدا مەكەشوۆا كەيىننەن تالاپ ارىزىنان باس تارتتى.

ال كاسىپكەر الاگوزوۆ گۇلميرا ساتىبالدىدان 6 ميلليارد 985 ميلليون تەڭگە شىعىن جانە 5 ميلليارد تەڭگە مولشەرىندە مورالدىق شىعىن ءوندىرىپ الۋعا نيەتتى.

گۇلميرا ساتىبالدى – قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ نەمەرە ءىنىسى قايرات ساتىبالدىنىڭ بۇرىنعى ايەلى.

وتكەن جىلى سوت ۇكىمىمەن قايرات ساتىبالدى 6 جىلعا باس بوستاندىعىنان ايىرىلدى.

Abai.kz