ۋكراينا پرەزيدەنتى ۆلاديمير زەلەنسكي حالىقارالىق قىلمىستىق گااگا سوتىندا ءسوز سويلەدى.

«ءبارىمىز ىستەگەن قىلمىستارىنا جاۋاپ بەرۋگە كەلەتىن باسقا ءۆلاديميردى گااگادا كورگىمىز كەلەدى. بىراق ول كۇن دە الىس ەمەس. ءبىز جەڭگەندە ول دا ورىندالادى»، - دەدى زەلەنسكي.

ناۋرىزدا ايىندا گااگا سوتى ۆلاديمير پۋتين مەن رەسەيدەگى بالا قۇقىقتارى جونىندەگى ۋاكىل ماريا لۆوۆا-بەلوۆانى ۋكراينالىق بالالاردى زاڭسىز دەپورتاتسيالاعانى ءۇشىن تۇتقىنداۋعا سانكتسيا بەرگەن بولاتىن.

زەلەنسكي تەك ءساۋىر ايىنىڭ وزىندە رەسەي ۋكرايناعا قاتىستى 6139 اسكەري قىلمىس جاساعانىن اتاپ ءوتتى.

«ۋكراينا سوتتارى رەسەيلىك باسقىنشىلاردى قىلمىسى ءۇشىن جاۋاپكەرشىلىككە تارتۋعا بار كۇشىن سالادى، الايدا تەك تريبۋنال عانا ولارعا ءتيىستى جازاسىن بەرە الادى»،-دەدى ۋكراينا پرەزيدەنتى.

ۆلاديمير زەلەنسكي حالىقارالىق قىلمىستىق سوتقا ادىلدىگى ءۇشىن العىس ءبىلدىردى جانە نيدەرلاندىعا ۋكرايناعا قارۋ-جاراق جەتكىزگەنى ءۇشىن راحمەت ايتتى.

سونداي-اق بۇل جيىندا ۋكراينانىڭ ناتو-عا كىرۋى تۋرالى تالقى بولدى.

«ءبىز سوعىس بىتپەيىنشە، ناتو قۇرامىنا قوسىلمايتىنىمىزدى بىلەمىز. بىراق سوعىس اياقتالعان سوڭ ۇيىمعا مۇشە بولاتىمىزعا سەنىمدى بولعىمىز كەلەدى. سول ءۇشىن قانداي-دا ءبىر ناقتى ۋادە بولسا دەيمىز»،-دەدى ۋكراينا باسشىسى.

زەلەنسكي ۋكراينانىڭ ءىس جۇزىندە ناتو-نىڭ مۇشەسى ەكەنىن، ەندىگى كەزەكتە اليانسقا زاڭي تۇردە قوسىلۋى كەرەكتىگىن ايتتى.

نيدەرلاندى مەن بەلگيا باسشىلارى ۋكراينانى قولداۋدى توقتاتپايتىنىن مالىمدەدى.

ايتا كەتەيىك، كۇنى كەشە كرەملگە درونمەن شابۋىل جاسالىپ، سەنات سارايى كۇمبەزىنىڭ ۇستىندە ورتەنىپ كەتتى. مۇنى كرەمل «ۋكراينانىڭ شابۋىلى» دەسە، ۋكراينا تاراپى بۇل وقيعاعا قاتىسى جوعىن ايتتى.

Abai.kz