پرەزيدەنت قاسىم-جومارت توقاەۆ سوعىس ارداگەرلەرى ابدىعالي قايمولدين مەن يۆان گاپيچكە «حالىق قاھارمانى» اتاعىن بەرىپ، ولاردى ايرىقشا ەرەكشەلىك بەلگىسى – التىن جۇلدىز بەن «وتان» وردەنىمەن ماراپاتتادى، دەپ حابارلايدى اقوردا.

مەملەكەت باسشىسىنىڭ جارلىعىمەن 1941–1945 جىلدارداعى ۇلى وتان سوعىسىندا كورسەتكەن ەرلىگى، باتىلدىعى، جانقيارلىعى مەن سوعىستان كەيىن مەملەكەتتىك جانە قوعامدىق قىزمەتكە بەلسەندى قاتىسقانى ءۇشىن ابدىعالي قايمولدينگە «حالىق قاھارمانى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز بەن «وتان» وردەنى تاپسىرىلدى.

سونداي-اق، مەملەكەت باسشىسىنىڭ جارلىعىمەن 1941–1945 جىلدارداعى ۇلى وتان سوعىسىندا كورسەتكەن ەرلىگى مەن جانقيارلىعى ءۇشىن جەڭىس پارادىنىڭ قاتىسۋشىسى يۆان ستەپانوۆيچ گاپيچكە«حالىق قاھارمانى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز بەن «وتان» وردەنى تاپسىرىلدى.

قايمولدين ابدىعالي -ۇلى وتان سوعىسى جانە ەڭبەك ارداگەرى

1921 جىلى 30 ماۋسىمدا سەمەي وبلىسى ابىرالى اۋدانى ۇزىنبۇلاق اۋىلىندا دۇنيەگە كەلگەن.

1941 جىلى اسكەر قاتارىنا شاقىرىلدى. 1941-1945 جىلدىڭ 9 مامىرى ارالىعىندا ستالينگراد، 1-ۋكراينا، 1-بەلارۋس، 3-بالتىق مايداندارىندا شايقاستى. 1946 جىلدىڭ ماۋسىم ايىندا اسكەر قاتارىنان بوساتىلعان.

اتالعان قىزمەتتەن كەيىن پارتيادا جانە مەملەكەتتىك ورگانداردا جۇمىس ىستەدى. اۋەلى كوكپ سەمەي وبلىستىق كوميتەتىندە، سودان كەيىن جاڭاسەمەي، نوۆوپوكروۆسك اۋداندارىنىڭ اتقارۋ كوميتەتىندە ەڭبەك ەتتى. 1977-1982 جىلدارى «تۇركسىب» سوۆحوزى پارتيا كوميتەتىنىڭ حاتشىسى بولىپ جۇمىس ىستەدى جانە وسى جەردەن قۇرمەتتى دەمالىسقا شىقتى.

قىزىل جۇلدىز جانە ءى دارەجەلى وتان سوعىسى وردەندەرىمەن، «جاۋىنگەرلىك ەڭبەگى ءۇشىن»، «كەنيگسبەرگتى العانى ءۇشىن»، «گەرمانيانى جەڭگەنى ءۇشىن» مەدالدارىمەن ماراپاتتالعان.

گاپيچ يۆان ستەپانوۆيچ - ۇلى وتان سوعىسى جانە ەڭبەك ارداگەرى

1923 جىلى 2 اقپاندا اقمولا قالاسىندا دۇنيەگە كەلگەن.

پولشانى، چەحوسلوۆاكيانى، ۋكراينانى ازات ەتۋگە قاتىستى. بۇكىل سوعىستى باستان وتكەرگەن مايدانگەر فاشيستەردىڭ گارنيزوندارى مەن كومەنداتۋرالارىن تالقانداعان، وق-ءدارى جانە ازىق-تۇلىك قويمالارىن جويعان وتريادتىڭ جاۋىنگەرلىك وپەراتسيالارىنا قاتىسقان.

قىزىل جۇلدىز جانە ءىىى دارەجەلى داڭق وردەندەرىمەن، «ەرلىگى ءۇشىن»، «جاۋىنگەرلىك ەڭبەگى ءۇشىن»، «كەنيگسبەرگتى العانى ءۇشىن»، «گەرمانيانى جەڭگەنى ءۇشىن» مەدالدارىمەن، «پروكۋراتۋرانىڭ قۇرمەتتى قىزمەتكەرى» توسبەلگىسىمەن، ءى، ءىى، ءىىى دارەجەلى «ەرەن ەڭبەگى ءۇشىن» مەدالدارىمەن،«قۇرمەت» وردەنىمەن، ءىى دارەجەلى «داڭق» وردەنىمەن ماراپاتتالعان. باتىس قازاقستان وبلىسىنىڭ قۇرمەتتى ازاماتى.

1945 جىلى 24 ماۋسىمدا قىزىل الاڭدا وتكەن جەڭىس پارادىنىڭ قاتىسۋشىسى.

Abai.kz