ساياسي جۋرناليستيكا سالاسى بويىنشا راحات مامىربەك اتىنداعى بايقاۋ جاريالانادى.

ومىردەن ەرتە وزعان تالانتتى جۋرناليست، ساياساتتانۋشى راحات مامىربەك اتىنداعى بايقاۋعا دەموكراتيا ينستيتۋتتارى، ادام قۇقىعى مەن بوستاندىقتارى، قۇقىقتىق مەملەكەت، ساياسي جۇيەنىڭ دامۋى، ازاماتتىق قوعام، ەركىن ءسوز بەن پليۋراليزم، پارتيالار باسەكەسى، بيلىك تارماقتارىنىڭ لەگيتيمدىگى جانە وزگە دە ساياسي-قوعامدىق تاقىرىپتاعى ۆيدەو جانە جازبا ماتەريالدار قابىلدانادى.

جانرعا شەك قويىلمايدى.

ساياسي جۋرناليستيكا سالاسىنداعى ۇزدىكتەردى انىقتاۋعا ارنالعان بايقاۋعا رەسپۋبليكا اۋماعىندا مەدياكونتەنت وندىرەتىن جانە تاراتاتىن رەسپۋبليكالىق جانە وڭىرلىك بۇقارالىق اقپارات قۇرالدارى جانە جەكە اۆتورلار قاتىسا الادى.

بايقاۋ «ەڭ ۇزدىك ۆيدەو» جانە «ەڭ ۇزدىك ماقالا» اتتى ەكى اتالىم بويىنشا بەرىلەدى.

ءار نوميناتسيانىڭ جۇلدە سانى - بىرەۋ، جۇلدە كولەمى 500 مىڭ تەڭگەدەن.

بايقاۋعا وتىنىمدەردى قابىلداۋ مەرزىمى - 2023 جىلعى 15 مامىر مەن 15 ماۋسىم ارالىعى.

بايقاۋ قورىتىندىسى ماۋسىم ايىنىڭ سوڭىندا – جۋرناليستەر كۇنى قارساڭىندا جاريالانادى.

قاتىسۋ شارتتارى:

كونكۋرستىق جۇمىستار 2022 جىلعى 1 شىلدە مەن 2023 جىلعى 15 ماۋسىم ارالىعىندا تەلەارنا ەفيرىنەن ءوتۋى نەمەسە گازەت، جۋرنال، ينتەرنەت-رەسۋرستا جاريالانۋى كەرەك.

ۇمىتكەر بايگەنىڭ ەكى نوميناتسياسىنا دا قاتىسۋعا قۇقىلى.

ءبىر اۆتور بايقاۋعا ءبىر اتالىم بويىنشا ءبىر ماتەريالدان ارتىق ۇسىنا المايدى.

ۇسىنىلاتىن ۆيدەو ۇزاقتىعى 1 ساعاتتان اسپاۋعا ءتيىس. ۆيدەو كونتەنتتەر YouTube حوستينگىندەگى نەمەسە وزگە ينتەرنەت-رەسۋرستاعى سىلتەمە ارقىلى قابىلدانادى.

ماقالا كولەمى ا4 فورماتىنداعى 10 پاراقتان اسپاۋى كەرەك. جازبا كونتەنت باسپا ماتەريال بولسا - PDF نۇسقامەن، ينتەرنەت ماتەريالى بولسا، سىلتەمە ارقىلى قابىلدانادى.

اۆتور ءوزى تۋرالى قىسقاشا مالىمەت، بايلانىس تەلەفوندارىن كورسەتۋگە ءتيىس.

بايقاۋ ماتەريالدارىن بەدەلدى جۋرناليستەر، مەدياساراپشىلار كىرەتىن تاۋەلسىز قازىلار القاسى باعالايدى.

دەمەۋشى - عابيدەن قۇلاحمەت اتىنداعى قور.

ماتەريالدار yessey0708@gmail.com پوشتاسى ارقىلى قابىلدانادى. بايلانىس تەلەفونى: + 7 777 216 27 83

Abai.kz