قىرعىزستاندا الماتى وبلىسى پوليتسيا دەپارتامەنتىنىڭ  بۇرىنعى باستىعى سەرىك كۇدەباەۆتىڭ قاشۋ ءىسى بويىنشا ءتورت كۇدىكتى تەرگەلىپ جاتىر، دەپ حابارلايدى 24.kg اقپارات اگەنتتىگى.

اگەنتتىك دەرەككوزىنىڭ مالىمەتىنشە، كۇدەباەۆ قازاقستان-قىرعىزستان شەكاراسىن زاڭسىز كەسىپ وتكەن. راستاۋدا تالاپ ەتەتىن اقپاراتقا سايكەس، شەكارا قىزمەتىنىڭ اسكەري قىزمەتشىسى ونىڭ قىرعىزستان اۋماعىندا بولۋىن زاڭداستىرعان.

"بۇدان ءارى سەرىك كۇدەباەۆ تۇركياعا "ماناس"اۋەجايى ارقىلى ۇشىپ كەتتى. اسكەري پروكۋراتۋرا زاڭسىز كوشى-قون فاكتىسى بويىنشا قىلمىستىق ءىس قوزعادى. قازىر بۇل ءىس بويىنشا ءتورت ادام تەرگەلىپ جاتىر. ولار بىشكەكتىڭ تەرگەۋ يزولياتورىنا قامالدى. الدىن الا اقپارات بويىنشا، ايىپتالۋشىلاردىڭ ءبىرى — اسكەري قىزمەتشى، قالعان ۇستالعاندار قاراپايىم ازاماتتار", — دەپ حابارلاعان قۇقىق قورعاۋ ورگاندارىنداعى دەرەككوز.

بۇدان بۇرىن حابارلاعانىمىزداي، سوت شەشىمى بويىنشا الماتى وبلىسى پد ەكس-باسشىسى سەرىك كۇدەباەۆ 10 جىلعا باس بوستاندىعىنان ايىرىلدى.

ءساۋىردىڭ باسىندا گەنەرالدىڭ سوت ۇكىمى شىقپاي تۇرىپ قازاقستاننان قاشىپ كەتكەنىن حابارلانعان بولاتىن. تىلشىلەرىمىز ەكس-شەنەۋنىكتىڭ 23-24 ناۋرىز كۇندەرى قىرعىزستان شەكاراسىن زاڭسىز كەسىپ ءوتىپ، بىشكەككە ارقىلى تۇركياعا جول تارتقانىن انىقتادى. وعان حالىقارالىق ىزدەۋ جاريالاندى.

27 ساۋىردە باس پروكۋراتۋرا سەرىك كۇدەباەۆتىڭ تۇركيادا ۇستالعانىن مالىم ەتكەن.

Abai.kz