بەلگيا بيلىگى ەل ازاماتتارى ءۇشىن ەۋروپارلامەنت سايلاۋىندا 16 جاستان باستاپ داۋىس بەرۋگە رۇقسات بەردى.

وسىلايشا بەلگيا ەۋروپالىق وداقتا مۇنداي شەشىم قابىلداعان مالتا، گەرمانيا مەن اۋستريادان كەيىنگى ءتورتىنشى مەملەكەت بولىپ وتىر.

«جاس شەگىن تومەندەتۋ ارقىلى ءبىز ناقتى سيگنال جىبەرىپ وتىرمىز. ءبىز ءسىزدىڭ داۋىسىڭىزدى دا، پىكىرىڭىزدى دە ەستىگىمىز كەلەدى»، - دەدى بەلگيانىڭ ىشكى ىستەر ءمينيسترى اننەليز ۆەرليندەن.

وسىلايشا، 280 مىڭعا جۋىق جاس بەلگيالىق ازامات كەلەسى جىلى ەۋروپالىق دەڭگەيدە ءوز پىكىرىن ءبىلدىرۋ مۇمكىندىگىنە يە بولادى. بىراق سايلاۋشىلار تىزىمىنە اۆتوماتتى تۇردە ەنەتىن ەرەسەكتەردەن ايىرماشىلىعى، داۋىس بەرۋدى قالايتىن كامەلەتكە تولماعاندار الدىن الا تىركەلۋى كەرەك.

Abai.kz