جۇما, 29 ناۋرىز 2024
1007 1 پىكىر 27 مامىر, 2023 ساعات 13:06

استانادا «سامعا، Balapan!» جۇلدەسىن تابىستاۋ سالتاناتى ءوتتى  

بۇگىن استاناداعى بەيبىتشىلىك جانە كەلىسىم سارايىندا «قازاقستان» تەلەراديوكورپوراتسياسىنىڭ ۇيىمداستىرۋىمەن «سامعا، Balapan!» بالالار فەستيۆالى ءوتتى. 

شاراعا ءماجىلىس جانە سەنات دەپۋتاتتارى، جۋرناليستەر مەن رەسپۋبليكالىق بالالار ۇيىمدارىنىڭ وكىلدەرى قاتىستى.

حالىقارالىق بالالاردى قورعاۋ كۇنىنە وراي ءداستۇرلى تۇردە وتەتىن ءىس-شارانىڭ بيىلعى ەرەكشەلىگى  - ءوز زامانداستارى اراسىندا ىزگى ارەكەتتەرىمەن، باتىلدىعىمەن، ەڭبەكقورلىعىمەن، ءبىلىم مەن عىلىمعا، ونەرگە قۇشتارلىعىمەن دارالانعان بالالارعا «سامعا، Balapan!» جۇلدەسى تابىستالدى. بۇل - «Balapan» تەلەارناسىنىڭ رەداكتسيالىق القاسىنىڭ شەشىمىمەن بەرىلەتىن ارنايى ماراپات.

فەستيۆالدىڭ «بالا باتىر» نوميناتسياسى 2022 جىلعى 3 جەلتوقسان كۇنى اتىراۋ قالاسىنداعى جايىق وزەنىنىڭ جاعاسىندا دوستارىن سۋدان امان الىپ قالعان دىنمۇحاممەد جاڭبىربايعا، «سپورتشى بالاپان» نوميناتسياسى 9 جاسقا دەيىنگى بالالار اراسىندا شاحماتتان الەم چەمپيونى، G09 بويىنشا FIDE رەيتينگىنىڭ باسىندا تۇرعان الاننا بەرىكقىزىنا، «ونەرتاپقىش بالا» اتالىمى روبوتوتەحنيكا بويىنشا حالىقارالىق بايقاۋلاردىڭ جەڭىمپازى، الماتىلىق 13 جاستاعى دياس مۇراتوۆقا، «قامقور بالا» نوميناتسياسى اقمولا وبلىسى اتباسار اۋدانىنىڭ 10 جاستاعى تۇرعىنى، رەسپۋبليكا بويىنشا ەڭ جاس ەرىكتى كسەنيا پەليح  پەن قاريالارعا كومەك قولىن سوزىپ جۇرگەن استانا قالاسىنداعى №15 مەكتەپ-ليتسەيدىڭ 8-سىنىپ وقۋشىسى ءامينا تەمىرحانوۆاعا تابىستالدى.

«سامعا، Balapan!» جۇلدەسىنىڭ «مەنىڭ سۇيكىمدى كەيىپكەرىم» ارنايى نوميناتسياسىن كورەرمەن كوزايىمىنا اينالعان «جىبەك» انيماتسيالىق مۋلتسەريالىنىڭ باستى كەيىپكەرى يەلەندى. جەڭىمپاز «Balapan» تەلەارناسىنىڭ ۆەب-رەسۋرستارى ارقىلى كورەرمەندەر اراسىندا جۇرگىزىلگەن ساۋالناما ناتيجەسىندە انىقتالدى.

«نومينانتتاردى ىرىكتەۋگە قر وقۋ-اعارتۋ مينيسترلىگى، قر مادەنيەت جانە سپورت مينيسترلىگى مەن «ۇلتتىق ۆولونتەرلەر جەلىسى» بىرلەستىگى اتسالىستى. «سامعا، Balapan!» فەستيۆالى بولاشاقتا بالالاردى يگى ىستەرگە شاقىراتىن بىرەگەي الاڭعا اينالادى. قوعامدى ىزگىلەندىرۋ، ونىڭ نەگىزگى مۇشەسى بالالاردى ىنتالاندىرۋ، ينكليۋزيۆتى مادەنيەت قالىپتاستىرۋ «Balapan» ارناسىنىڭ باستى الەۋمەتتىك مىندەتتەرىنىڭ ءبىرى»، - دەدى تەلەراديوكورپوراتسيانىڭ باسقارما ءتورايىمى ءلاززات تانىسباي.

شارانىڭ تەلەۆيزيالىق نۇسقاسى «Balapan» تەلەارناسىنان 1 ماۋسىم كۇنى ساعات 13:30-دا كورسەتىلەدى.

 

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576