اقش پرەزيدەنتى باراك وباما مىرزاعا

قازاقستان رەسپۋبليكاسىنىڭ ازاماتتارىنان

اشىق حات

ءبىز، قازاقستان ازاماتتارى، ءساۋىردىڭ 15-ءى كۇنى اقش-تىڭ بوستون قالاسىندا ءداستۇرلى تۇردە وتەتىن مارافون كەزىندە بولعان بومبا جارىلىسى سالدارىنان 3 ادام مەرت بولىپ، 260 ادام جاراقات الۋىنا بايلانىستى  امەريكا حالقىنا كوڭىل ايتا وتىرىپ، قايعىسىنا ورتاق ەكەنىمىزدى بىلدىرەمىز.

ءبىز ەكسترەميزمنىڭ كەز كەلگەن تۇرىنە قارسىمىز جانە دە لاڭكەستىك ارەكەتتەردىڭ ەشقايسىسىن قولدامايمىز. ءبىز بەيبىتشىلىك ءومىر، دوستىق پەن ارىپتەستىكتى  قالايتىن جانە قولدايتىن مەملەكەت ازاماتتارىمىز.

اقش تەرگەۋ ورىندارى بوستونداعى جارىلىسقا كۇدىكتى دجوحار تسارناەۆپەن بىرگە وقىعان قازاقستان ازاماتتارى ازامات تاجاياقوۆ پەن  دياس قادىرباەۆقا «بوستونداعى جارىلىستى تەرگەۋگە كەدەرگى جاساماق بولدى» دەگەن ايىپ تاققانى ءمالىم، سول سەبەپتى ءبىزدىڭ ەكى ازاماتىمىز 19 ساۋىردە قاماۋعا الىندى.

بىزگە ءمالىم اقپارات بويىنشا، ءبىرىنشى سوت وتىرىسى 1 مامىردا وتكەن بولاتىن، وندا ازامات تاجاياقوۆ پەن دياس قادىرباۆقا تەرگەۋگە قاتىستى ايعاقتاردى جويدى دەگەن ايىپ تاعىلعان بولاتىن.

اقش پرەزيدەنتى باراك وباما مىرزاعا

قازاقستان رەسپۋبليكاسىنىڭ ازاماتتارىنان

اشىق حات

ءبىز، قازاقستان ازاماتتارى، ءساۋىردىڭ 15-ءى كۇنى اقش-تىڭ بوستون قالاسىندا ءداستۇرلى تۇردە وتەتىن مارافون كەزىندە بولعان بومبا جارىلىسى سالدارىنان 3 ادام مەرت بولىپ، 260 ادام جاراقات الۋىنا بايلانىستى  امەريكا حالقىنا كوڭىل ايتا وتىرىپ، قايعىسىنا ورتاق ەكەنىمىزدى بىلدىرەمىز.

ءبىز ەكسترەميزمنىڭ كەز كەلگەن تۇرىنە قارسىمىز جانە دە لاڭكەستىك ارەكەتتەردىڭ ەشقايسىسىن قولدامايمىز. ءبىز بەيبىتشىلىك ءومىر، دوستىق پەن ارىپتەستىكتى  قالايتىن جانە قولدايتىن مەملەكەت ازاماتتارىمىز.

اقش تەرگەۋ ورىندارى بوستونداعى جارىلىسقا كۇدىكتى دجوحار تسارناەۆپەن بىرگە وقىعان قازاقستان ازاماتتارى ازامات تاجاياقوۆ پەن  دياس قادىرباەۆقا «بوستونداعى جارىلىستى تەرگەۋگە كەدەرگى جاساماق بولدى» دەگەن ايىپ تاققانى ءمالىم، سول سەبەپتى ءبىزدىڭ ەكى ازاماتىمىز 19 ساۋىردە قاماۋعا الىندى.

بىزگە ءمالىم اقپارات بويىنشا، ءبىرىنشى سوت وتىرىسى 1 مامىردا وتكەن بولاتىن، وندا ازامات تاجاياقوۆ پەن دياس قادىرباۆقا تەرگەۋگە قاتىستى ايعاقتاردى جويدى دەگەن ايىپ تاعىلعان بولاتىن.

ءبىز وسى ەكى قازاقستان ازاماتىنا تەرگەۋ مەن سوتتىڭ ءادىل ءوتۋىن تالاپ ەتەمىز. بۇل قۇقىقتار حالىقارالىق قۇجاتتاردا،  ونىڭ ىشىندە اقش راتيفيكاتسيالاعان بىرىككەن ۇلتتار ۇيىمىنىڭ ازاماتتىق جانە ساياسي قۇقىقتار تۋرالى حالىقارالىق پاكتىسىندە بەكىتىلگەن. سوندىقتان، اقش‑ن وسى ىسكە بايلانىستى ءوز حالىقارالىق مىندەتتەرىن ورىنداۋعا شاقىرامىز.

سوڭعى كەزدەرى  اقش بۇقارالىق اقپارات قۇرالدارى  وسى ىسكە بايلانىستى ءتۇرلى اراڭداتۋشىلىق ماعلۇماتتاردىڭ تارالىپ جاتقانىنا كۋا بولىپ وتىرمىز. سوندىقتان فەدەرالدى تەرگەۋ بيۋروسىن (Federal Bureau of Investigation, FBI) جانە اقش باس پروكۋروراتۋراسىنىڭ (United States Attorney General) رەسمي مالىمدەمەسىنىڭ جاريالانۋىن تالاپ ەتەمىز، سەبەبى قازاقستان حالقى ءوز الاڭداۋشىلىعىن بىلدىرۋدە.

وسى حاتقا قول قويۋشىلار مەن قولداۋشىلار امەريكاندىق سوت پەن تەرگەۋ ىستەرىنە قىسىم جاساۋ پيعىلدارىنان اۋلاق.

ءبىز، ادام قۇقىقتارىنىڭ ساقتالۋىن، قازاقستان ازاماتتارىنا تيەسىلى قۇقىقتىق كومەك كورسەتىلۋىن تالاپ ەتەمىز!

حاتتى قولداۋشىلار:

باحتيار الباني، جازۋشى، پۋبليتسيست

ەربول جۇماعۇلوۆ، كينورەجيسسەر، اقىن، جازۋشى

قۇرمانعازى راحمەتوۆ، قوعام بەلسەندىسى

بولات تولەپبەرگەنوۆ، جازۋشى، قوعام بەلسەندىسى

جانگەلدى شىمشىقوۆ، پروفەسسور

قاجىمۇقان عابدوللا، «قازاق ەلى» قوزعالىسىنىڭ توراعاسى، ساياساتكەر

اسەل نۇرعازيەۆا، قۇقىققورعاۋشى، «زامان» قب ءتورايىمى

ۇلان شامشەت، قوعام بەلسەندىسى

جانبوتا قاراشولاقوۆ، ساياساتتانۋشى

باقتىعۇل قاناتوۆ، زاڭگەر، قۇقىققورعاۋشى

امانگەلدى قالىبەك، ساياساتتانۋشى

مارات ۋاتقان، ءتىلشى، قوعام بەلسەندىسى

باقىتگۇل ماكىمباي، تاۋەلسىز ءتىلشى

ماحامبەت ءابجان، «شاڭىراق» رقب توراعاسى

Abai.kz