بۇرىنعى توتەنشە جاعدايلار ءمينيسترى يۋري ءيليننىڭ ۇستىنەن قىزمەتتىك مىندەتتەرىن دۇرىس ورىنداماعانى ءۇشىن جانە جۇمىسىنا سالعىرت قاراعانى ءۇشىن تەكسەرىس جۇرگىزىلەدى. بۇل تۋرالى ىشكى ىستەر ءمينيسترى مارات احمەتجانوۆ ايتتى.

«پرەزيدەنت باس پروكۋرورعا تاپسىرما بەردى، سونىڭ شەڭبەرىندە تەكسەرىس جۇرگىزىلەتىن بولادى. ءورت فاكتىسى – بۇل توتەنشە جاعداي، قازا تاپقاندار بار، سوندىقتان قىلمىستىق ءىس اياسىندا تەكسەرۋ جۇرگىزىلەدى.

جاۋاپتى تۇلعا نەگە ۋاقىتىلى شارا قولدانباعان، نەمقۇرايلىلىق تانىتقان، قىزمەتتىك مىندەتتەرىن ورىنداماعان؟»، - دەدى ىشكى ىستەر ءمينيسترى.

مينيستر اباي وبلىسىنداعى ءورتتىڭ نەدەن شىققانى تۋرالى سۇراققا جاۋاپ بەردى.

«تەرگەۋ ءجۇرىپ جاتىر، ءورتتى قولدان قويعان دەگەن نۇسقا بار. ءىس ارنايى پروكۋرورلاردىڭ قاراۋىنا بەرىلدى. ءىىم قىزمەتكەرلەرى دە ءىستى قارايتىن توپ ىشىندە، تەرگەۋدىڭ قورىتىندىسىن كۇتەيىك. مىناداي نۇسقالار بار: ءورتتى بىرەۋ قولدان قويدى; نەمقۇرايلىلىقتىڭ كەسىرىنەن بولدى نەمەسە نايزاعاي ءتۇستى. ساراپتامالار مەن ىزدەستىرۋ ءىس-شارالارى جۇرگىزىلەتىن بولادى. تەرگەۋگە ەكى اي ۋاقىت بەرىلدى»، - دەدى احمەتجانوۆ.

ايتا كەتەيىك، اباي وبلىسىنداعى ورمان ءورتى باستالعاننان كەيىن، 10 ماۋسىم كۇنى پرەزيدەنت توقاەۆ بۇرىنعى توتەنشە جاعدايلار ءمينيسترى يۋري ءيليندى وتستاۆكاعا جىبەردى. ونىڭ ورنىنا ۆەدومستۆوعا جاڭا باسشى سىرىم ءشارىپحانوۆ تاعايىندالدى.

Abai.kz