جاڭاوزەندەگى قاسىرەتتى وقيعانىڭ ەڭ باستى ۇيىمداستىرۋشىلارىنىڭ ءبىرى، ءارى كۇناھارى الاياق ءابليازوۆ ءالى دە ەشتەنەدەن تايىنار ەمەس. ول ءوزىنىڭ وسىناۋ قاسىرەتتى قاقتىعىستى قوزدىرۋعا قاتىستى بولعانىن بۇكىل الەمگە جاريا ەتۋگە بارىنشا قۇشىرلانا ارەكەتكە باسقان. جاڭاوزەن ول ءۇشىن ءوزىنىڭ اتىن شىعاراتىن، ەڭ ءبىرىنشى اسا ءىرى حالىقارالىق قىلمىستى وقيعا بولدى. ءابليازوۆتىڭ «العا» ۇيىمىن مۇحيتتىڭ ارقى جاعىنان قارجىلاندىرعانى (ونىڭ بەلسەندىلەرى الەۋمەتتىك قاقتىعىستى قوزدىرۋمەن شۇعىلدانعانى بۇعان دەيىن سوتتا دالەلدەنگەن) – بۇل اقشا قازاقستاننان شىعارىلىپ وففشور ارقىلى ءتۇرلى قىلمىستىق جولداردىڭ كومەگىمەن جەتكىزىلگەنىن ءسىرا، ءبىراز ادامدار عانا ۇعىنعان سەكىلدى. ناقتى ايتقاندا بۇل اقشا قازاقستاننان ۇرلانعان. كەيبىر ەسەپتەۋلەرگە قاراعاندا ونىڭ مولشەرى ءاربىر قازاقستاندىقتارعا، سونىڭ ىشىندە بالالاردى قوسا ەسەپتەگەندە ادام باسى مىڭ دوللاردان اينالادى دەۋگە بولادى.

ال ءابليازوۆ بولسا، ءوزىنىڭ سىبايلاستارى ارقىلى ادامداردى ءتارتىپ قورعاۋ ورگاندارىنا قارسى اشىق قاقتىعىسقا قالاي ۇگىتتەگەنىن، اقشا تاراتىپ ەرەۋىلشىلەردىڭ اشۋىن قوزدىرعانىن، اقپاراتتى قالاي بۇرمالاعانىن جانە الدانعان مۇنايشىلاردى جالعان ۋاعدامەن جارىلقاعانىن ۇيالماي-قىزارماي داۋرىعا اڭگىمەلەيدى.

جاڭاوزەندەگى قاسىرەتتى وقيعانىڭ ەڭ باستى ۇيىمداستىرۋشىلارىنىڭ ءبىرى، ءارى كۇناھارى الاياق ءابليازوۆ ءالى دە ەشتەنەدەن تايىنار ەمەس. ول ءوزىنىڭ وسىناۋ قاسىرەتتى قاقتىعىستى قوزدىرۋعا قاتىستى بولعانىن بۇكىل الەمگە جاريا ەتۋگە بارىنشا قۇشىرلانا ارەكەتكە باسقان. جاڭاوزەن ول ءۇشىن ءوزىنىڭ اتىن شىعاراتىن، ەڭ ءبىرىنشى اسا ءىرى حالىقارالىق قىلمىستى وقيعا بولدى. ءابليازوۆتىڭ «العا» ۇيىمىن مۇحيتتىڭ ارقى جاعىنان قارجىلاندىرعانى (ونىڭ بەلسەندىلەرى الەۋمەتتىك قاقتىعىستى قوزدىرۋمەن شۇعىلدانعانى بۇعان دەيىن سوتتا دالەلدەنگەن) – بۇل اقشا قازاقستاننان شىعارىلىپ وففشور ارقىلى ءتۇرلى قىلمىستىق جولداردىڭ كومەگىمەن جەتكىزىلگەنىن ءسىرا، ءبىراز ادامدار عانا ۇعىنعان سەكىلدى. ناقتى ايتقاندا بۇل اقشا قازاقستاننان ۇرلانعان. كەيبىر ەسەپتەۋلەرگە قاراعاندا ونىڭ مولشەرى ءاربىر قازاقستاندىقتارعا، سونىڭ ىشىندە بالالاردى قوسا ەسەپتەگەندە ادام باسى مىڭ دوللاردان اينالادى دەۋگە بولادى.

ال ءابليازوۆ بولسا، ءوزىنىڭ سىبايلاستارى ارقىلى ادامداردى ءتارتىپ قورعاۋ ورگاندارىنا قارسى اشىق قاقتىعىسقا قالاي ۇگىتتەگەنىن، اقشا تاراتىپ ەرەۋىلشىلەردىڭ اشۋىن قوزدىرعانىن، اقپاراتتى قالاي بۇرمالاعانىن جانە الدانعان مۇنايشىلاردى جالعان ۋاعدامەن جارىلقاعانىن ۇيالماي-قىزارماي داۋرىعا اڭگىمەلەيدى.

ال قازاقستاندىقتار ونىڭ مۇنداي سۋايت وتىرىگىن، مۇنىڭ ءوزى قوي تەرىسىن جامىلعان قاسقىر سەكىلدى بولعانىن باياعىدا-اق تۇسىنگەن. سولاي بولسا دا ءابليازوۆ قازاقستاننىڭ تۇراقتىلىعىنا سەلكەۋ ءتۇسىرۋ ءۇشىن ءتۇرلى امال-ايلالاردى جاساۋدان تىيىلار ەمەس. بۇل ءۇشىن ول قارجىسىن دا، ادامدارىن دا ايامايدى. مۇنىڭ ناقتى دالەلى – سوتتالعان ۆ.كوزلوۆتىڭ قىلمىستى ارەكەتى جانە تىيىم سالىنعان «العا» پارتياسى. مۇنىڭ ناتيجەسى قانداي بولدى؟ ناتيجەسى – ەكى جىل بۇرىن جاڭاوزەندەگى جاپپاي تارتىپسىزدىك. وزىنە قۇلدىق ۇرىپ بەرىلگەن ادامداردى جانە «العانىڭ» بارلىق مۇمكىنشىلىگىن سارقىپ، ونىڭ بايىرعى باسشىسىن تاعدىردىڭ تالكەگىنە تاستاپ ولارعا ەشقانداي قولداۋ جاساماي تەرىس اينالىپ ولاردان جايباراقات بۇرىلىپ كەتە باردى.

ءابليازوۆتىڭ جوسپارى مەن ول قارجىلاندىرعان «قالتاداعى وپپوزيتسيا» بىت-شىتى شىعىپ كۇيرەسە دە ەلدە رەنىشتەردى ءورشىتۋ، ادامداردىڭ نارازدىلىعىن كۇشەيتۋ ءۇشىن الەۋمەتتىك ماسەلەلەردى اككىلىكپەن پايدالانىپ ازاماتتاردىڭ ساناسىنا ۇمىتسىزدىكتى سەبۋگە تاعى دا تىرىسىپ ءجۇر.

ءابليازوۆتىڭ جىمىسقى ارەكتى ارقىلى ورىنداۋشىلارى بولۋعا بۇيرەگى بۇرعاندار دا جوق ەمەس ەكەن. ولار كىمدەر؟ ولار ادامداردىڭ كوزىنە توپىراق شاشۋشىلار حالىقتىڭ ماسەلەسىن كوتەرىپ ءجۇرمىز دەپ داڭعازا ايعايعا باسقان كپك-نىڭ «قالتاداعى» باسشىلارى عازيز الدامجاروۆ جانە از عانا ادامداردان قۇرالعان «العانىڭ» جولباسشىسى بولىپ العان مارات جانۇزاقوۆ.

رەفەرەندۋم مەن جالپى رەسپۋبليكالىق جينالىس وتكىزۋ ماسەلەسىن كوتەرىپ جۇرگەن ب.ءابىلوۆتىڭ يدەياسى دا م.ابليازوۆتىكى.

قاشقىن قىلمىسكەردىڭ ارانداتۋشىلىق ايلاسى وزگەرەر ەمەس. فاكتىگە جۇگىنەيىك. بيىلعى جىلدىڭ 16 ناۋرىزىندا كوپتەگەن وپپوزيتسيالىق قۇرىلىمداردىڭ وكىلدەرى الماتىعا كەلدى. مۇندا ولارعا جول جۇرۋىنە جانە تۇرۋىنا ماتەريالدىق وتەم جاساۋ جونىندە ۋاعدا بولعان ەدى. ءسويتىپ جيىن وتكىزىلدى. ال ۋادە بويىنشا بەرىلەتىن اقشا تولەنبەي قالدى. ءسويتىپ، مۇنداي جالعان ۋادەگە سەنگەندەر قالتاسىندا قوناق ۇيگە تولەيتىن اقشاسى بولماعاندىقتان كوشەگە قۋىلىپ تاستادى.

مىنە، ساعان كەرەك بولسا، قاسقىردىڭ تەرىسىن جامىلعا ءابليازوۆ. ول ءۇشىن ادامدار ءوزىنىڭ ارام ماقساتىنا جەتۋ ءۇشىن قولدانىلاتىن قۇرال عانا.

مۇنى ناقتى تارقاتىپ ايتساق، بۇعان مىسال رەتىندە تۇرعىن ءۇي كوممۋنالدىق شارۋشىلىعىنىڭ تاريفتەرىنىڭ قىمباتتاعانى، ايەلدەردىڭ زەينەتكەرلىك جاسىنىڭ ۇلعايعانى جانە وزگە وسى سەكىلدى ماسەلەلەردى 27 ءساۋىر كۇنى نارازىلىق رەتىندە ۇيىمداستىرۋشىلار كپك باسشىسى ع.الدامجاروۆ، «العانىڭ» قالدىعىنىڭ جەتەكشىسى م.جانۇزاقوۆ، «ازات» كدپ باسشىسى ب.ءابىلوۆ. وزگە قالالاردان جيىنعا جينالعانداردى تاعى دا ءابليازوۆ ءوزىنىڭ ماقساتىنا پايدالانىپ، سوڭىنان لاقتىرىلىپ تاستالدى.

مۇنداي سپەكتاكلدەردى وزگەشە ماقساتقا بۇرمالانعان جايتتەر دە الاڭداتادى. قازاقستاننان شىققان ارانداتۋشىنىڭ قارماعىنا رەسەي ۇلتشىلدارى مەن نەوفاشيستىك قۇرىلىمداردىڭ وكىلدەرى ا.بەلوۆ-نوتكين، پ.ميلوسەردوۆ ءىلىندى. ولار قازاقستانداعى وپپوزيتسيونەرلەردىڭ وسى جوباسىنىڭ تىكەلەي اۆتورلارى مەن رۋحاني دەم بەرۋشىلەرى بولعانى انىقتالىپ وتىر. رەسەي ساياسي تەحنولوگتارىنىڭ تاپسىرىسىنا ءابليازوۆ اقشا تولەۋدەن ساراڭدىق جاساعان جوق.

ال وليگارح بولسا، قارجىسىنىڭ مولدىعىنا ماستانىپ ءوزىن ناپالەون سەكىلدى سەزىنىپ اسپەنسىپ جۇرگەندە ونىڭ دا قۇيرىعى ءبىرتۇتام بولۋعا اينالدى. بارشاعا ءمالىم لوندونداعى جوعارى سوت بتا بانكتىڭ ەكس-باسشىسى مۇحتار ءابليازوۆتىڭ ۇلىبريتانياداعى مەنشىگىن ساتۋعا رۇقسات بەردى.

سوتتىڭ شەشىمى بويىنشا لوندوننىڭ سولتۇستىك بولىگىنە ورنالاسقان Bishops Avenue-دەگى  Carlton House تۇرعىن ءۇي عيماراتىن ساتۋعا رۇقسات بەرىلدى. بۇل عيماراتتىڭ كولەمى: 15 مەتردەي زالى، قوناقتار قابىلدايتىن بولمەلەلەرى، كىتاپحاناسى، ۇيىقتاۋعا ارنالعان 9 بولمەسى بار. عيماراتتىڭ جانىندا باسسەين، 12 ادامعا ارنالعان تۇرىك مونشاسى ورنالاسقان. سونداي-اق كومپانيا باسقارۋشىسى ۇلىبريتانيانىڭ ۆيندزور قالاسىندا ورنالاسقان جالپى كولەمى 40 گەكتاردان استام Oaklands Park جەر ۋچاسكەسىن ساتا الاتىن بولدى. بۇل ۋچاسكەدە سەگىز تۇرعىن ءۇي، پيتومنيك، تەننيس كورتى، كول، ورماندى القاپ جانە تىكۇشاق قوناتىن الاڭ بار.

ەكس-بانكير مۇحتار ءابليازوۆ ۇنەمى ەكىجۇزدى بولىپ بۇلتاقتاپ، جالتارۋمەن الەك. الايدا، ونىڭ ساراڭدىعى مەن قارجىنى قايدا قالاي جۇمسارىن بىلمەيتىنى ونى سوت ورىندىعىنا باستايتىنى ءسوزسىز.