الماتىدا ADD ۇستەل تەننيسى ورتالىعىندا NEET ساناتىنداعى جانە بازار جاستارىنىڭ قاتىسۋىمەن ۇستەل تەننيسىنەن چەمپيونات ءوتتى. وعان "جەتىسۋ", "التىن وردا", "قىرعاۋىلدى", "بايسات", "جىبەك جولى", "ساۋداكەنت", "ارىستان", "بارىس" جانە تاعى باسقا ساۋدا ورتالىقتارىنىڭ جاستارى قاتىستى. ءۇش تەننيسشىدەن قۇرالعان كوماندالار اراسىنداعى جارىس الدىن الا بەكىتىلگەن ەرەجە بويىنشا ءوتتى. كوماندانىڭ ءۇش ويىنشىسى ءبىر بىرىمەن وينادى. كوماندا مۇشەلەرىنىڭ سانىنا ساي ءارتۇرلى ەسەپتەر (3:0, 2:1) تىركەلىپ وتىردى. ەگەر كوماندا مۇشەسىنىڭ ءبىرى جارىسقا قاتىسپاسا، ونىڭ ەسەبى تەحنيكالىق جەڭىلىسكە پارا-پار سانالدى. 

جوبا جەتەكشىسى سالامات ساعىندىقوۆتىڭ ايتۋىنشا چەمپيونات "دۇيسەنبىلىك سپورت" جوباسىنىڭ اياسىندا ءوتىپ جاتىر. "ۇستەل تەننيسى چەمپيوناتىن الماتى قالاسى جاستار ساياساتى باسقارماسىنىڭ قولداتسىمەن "Social project management" ووتالىعى ۇيىمداستىرىپ وتىر. جوبا اياسىندا جارىسقا كەمىندە بەس بازاردىڭ جاستارى قاتىسۋى كەرەك. بۇگىن ءوتىپ جاتقان چەيپيوناتقا كورىپ وتىرعاندارىڭىزداي سەگىز بازاردىڭ جاستارى قاتىسىپ جاتىر. جوبا بويىنشا سپورتتىڭ بەس تۇرىنەن: فۋتبولدان، ۇستەل تەننيسىنەن، كيبەرسپورتتان، باسكەتبولدان، ۆوللەيبولدان چەمپيونات وتكىزۋگە ءتيىسپىز. فۋتبولدان وتكەن ايدا جارىس وتكىزىپ، جەڭىمپازدار انىقتالعان بولاتىن. بۇگىن ۇستەل تەننيسى مارەسىنە جەتەدى. الداعى ۋاقىتتا كيبەرسپورت، باسكەتبول، ۆوللەيبول چەمپيوناتتارى ءوز قاتىسۋشىلارىن كۇتەدى" دەيدى ول.

چەمپيوناتقا ۇستەل تەننيسىنەن الماتى قالاسىنىڭ اعا باپكەرى الەكسەي تيمچەنكو مەن تورەشى الەكساندر پەرەۆالوۆ تورەلىك جاسادى.

Setanta Qazaqstar, Qazsport تەلەارنالارىنىڭ ءجۋرناليسى رۋسلان باقىتجان چەمپيوناتقا كوممەنتارلىق قىزمەت كورسەتتى.  چەمپيونات جەڭىمپازدارىن ۇستەل تەننيسى، فۋتبول سپورت شەبەرى، تولىستاعى پولكوۆنيك ارمان قوڭىروۆ، جۋرناليست مەيرامبەك تاۋبالدى ماراپاتتادى.

چەمپيونات قورىتىندىسى بويىنشا ءبىرىنشى ورىندى "بايسات" ساۋدا ورتالىعىنان كەلگەن كوماندا يەلەنىپ، كۋبوك پەن 150 مىڭ تەڭگەنىڭ سەرتيفيكاتىن قانجىعاسىنا بايلادى. ەكىنشى ورىن العان "ارىستان" بازارىنىڭ كومانداسى ەكىنشى ورىن الىپ، 100 مىڭ تەڭگەنىڭ جۇلدەسىن ەنشىلەدى. ءۇشىن ورىن – 100 مىڭ تەڭگە "جەتىسۋ-2" كومانداسىنا بۇيىردى.

Abai.kz