الماتى وبلىسى ەڭبەكشىقازاق اۋدانى اسى جايلاۋىندا اۋىل شارۋاشىلىعى فورۋمى ءوتتى. ءىس-شارا بارىسىندا ءوڭىر شارۋالارى، كاسىپكەرلەرى اۋىل شارۋاشىلىعى ونىمدەرىنەن كورمە جاسادى. مۇندا تۇيەنىڭ كەپتىرىلگەن سۇتىنەن باستاپ، مالدىڭ جەم-ءشوبى، مينەرالدى، ورگانيكالىق تىڭايتقىشتارعا دەيىن بار. 

كورمەنى تاماشالاعان وبلىس اكىمى مارات سۇلتانعازيەۆ كوپشىلىك الدىندا ءسوز سويلەپ، وڭىردە اۋىل شارۋاشىلىعىن دامىتۋ ءۇشىن قولعا الىنعان شارالار جايلى ايتتى. ەڭ الدىمەن ول جۇرتشىلىقتى قۇربان ايت مەرەكەسىمەن قۇتتىقتادى.

«اۋىل اماناتى» مەملەكەتتىك باعدارلاماسى اياسىندا اۋىل حالقىنىڭ تابىسىن ارتتىرۋ ماقساتىندا وبلىس بويىنشا 8,3 ملرد. تەڭگە ءبولىندى. وسى قاراجاتتى ءتيىمدى پايدالانۋ ءۇشىن ءار ءوڭىردىڭ ەرەكشەلىگىنە سايكەس اۋىل شارۋاشىلىعى سالاسىن دامىتۋىمىز قاجەت. ەندىگى جىلى بۇل باعدارلاماعا 14 ملرد تەڭگە قارجى بولىنەدى دەپ جوسپارلانىپ وتىر. وبلىس بويىنشا ءتورت تۇلىك مالدىڭ 65%-ى 133 جايلاۋدا جايىلادى. جايىلىمدار تۋرالى زاڭعا سايكەس، 2023-2024 جىلدارعا ارنالعان جايىلىمداردى باسقارۋ جانە ولاردى پايدالانۋ جوسپارى بويىنشا ءار اۋدان اكىمدىگى جۇمىس جاساپ جاتىر»، - دەدى مارات سۇلتانعازيەۆ.

سونداي-اق فورۋمدا اگرارلىق سالادا بىرنەشە جىل ەڭبەك ەتكەن بىرقاتار مامانعا «قۇرمەتتى ازامات» اتاعى جانە «العىس حاتتار» تابىس ەتىلدى.

جايلاۋدا ۇلتتىق ويىن تۇرلەرىنەن جارىستار ۇيىمداستىرىلدى.

Abai.kz