تەلەۆيزيالىق شەبەرلىك سالاسىنداعى «تۇمار-2023» ۇلتتىق تەلەۆيزيالىق بايگەسى 12 نوميناتسيا بويىنشا بايقاۋ وتكىزەدى.

بايقاۋدىڭ باستى ماقساتى - كاسىبي قوعامداستىقتىڭ باعالاۋ پريزماسى ارقىلى قازاقستاندىق تەلەۆيزيالىق يندۋستريانى دامىتۋدى ىنتالاندىرۋ جانە ونىڭ باسەكەگە قابىلەتتىلىگىن كورسەتۋ.

2023 جىلى بايگەگە قاتىسى ءۇشىن 300-گە جۋىق ءوتىنىم كەلىپ ءتۇستى، ەڭ كوپ ءوتىنىم «ۇزدىك تەلەجۇرگىزۋشى»، «ۇزدىك تەلەجۋرناليست»، «ۇزدىك الەۋمەتتىك جوبا» نوميناتسيالارى بويىنشا قابىلداندى. «تۇمار» ۇلتتىق بايقاۋىنا رەسپۋبليكالىق جانە ايماقتىق تەلەارنالار، ستۋديالار جانە كاسىبي تەلەۆيزيالىق كونتەنت شىعاراتىن كومپانيالار قاتىستى.

بيىل العاش رەت «ۇزدىك سپورت كوممەنتاتورى» جانە «ۇزدىك جۋرناليستىك زەرتتەۋ» نوميناتسيالارى بويىنشا جۋرناليستەر ءوز باعىن سىنايدى.

ماراپاتتاۋ ءراسىمى قارساڭىندا قازىلار القاسىنىڭ مۇشەلەرى سىيلىقتىڭ پرايس-ليستىنە ەنگەن 48 ۇمىتكەردى جاريالادى.

ەستەرىڭىزگە سالا كەتەيىك، «تۇمار» ۇلتتىق بايگەسىنىڭ ماراپاتتاۋ ءراسىمى 2023 جىلى 4 شىلدە كۇنى استانا ق. «قازمەديا ورتالىعى» كينوكونتسەرت زالىندا وتەدى.

Abai.kz