استانانىڭ اۋدانارالىق سوتى قازاقستاننىڭ ەكولوگيا، گەولوگيا جانە تابيعي رەسۋرستارى ءمينيسترىنىڭ بۇرىنعى ورىنباسارى احمەتجان پىرىمقۇلوۆتى جەتى جىلعا باس بوستاندىعىنان ايىردى. 

ول ۋتيلالىم بويىنشا "وپەراتور روپ" كومپانياسىنىڭ ءىسى بويىنشا ايىپتالعان. بۇل تۋرالى سوتتىڭ ءباسپاسوز قىزمەتى حابارلادى.

پىرىمقۇلوۆ قىلمىستىق كودەكستىڭ التى بابى بويىنشا كىنالى دەپ تانىلدى. اباقتىدان تىسقارى وعان ءومىر بويى مەملەكەتتىك قىزمەتتە جانە كۆازيمەملەكەتتىك سەكتوردا جۇمىس ىستەۋگە تىيىم سالىندى.

بۇل ءىس بويىنشا تاعى ەكى ايىپتالۋشى – "وپەراتور روپ" باسقارماسىنىڭ بۇرىنعى توراعاسى مەدەت قۇمارعاليەۆ پەن بۇرىنعى باس ديرەكتور سۆەتلانا كوروتەنكو دا جەتى جىلعا ەركىنەن ايىرىلدى.

سوت مالىمەتى بويىنشا 2016 جىلدان بەرى "وپەراتور روپ" جەتەكشىلەرى پىرىمقۇلوۆتىڭ كومەگىمەن 26,8 ميلليارد تەڭگە بيۋدجەت قاراجاتىن ۇرلاعان. سونىمەن بىرگە ايىپتالۋشىلار كومپانيا ەسەبىندەگى 180 ميلليارد تەڭگەنى (401 ملن دوللاردان استام) جىمقىرۋعا ارەكەت ەتكەنى ايتىلدى.

نۇرسۇلتان نازارباەۆتىڭ كىشى قىزى اليامەن بايلانىسى بار ەكەنى ايتىلىپ جۇرگەن كومپانيا 2015 جىلى قۇرىلعان. "وپەراتور روپ" ەسكى كولىكتەردىڭ تەتىكتەرىن، قالدىقتارىن جيناعانى ءۇشىن مەكەمەلەردەن ارنايى تولەم الىپ تۇردى.

فوتو: اشىق دەرەككوزدەن

Abai.kz