قايتا-قايتا ءتۇسىرۋ كەرەك. «شەگىرتكەدەن قورىققان ەگىن ەكپەس» دەيدى عوي. الاڭداۋشىلىق قازىرگى دەڭگەي مەن مەمتاپسىرىستىق كينولاردىڭ ساپاسىنان شىقسا كەرەك.

بىراق، «قىز جىبەك» ءفيلمى قانشا جەردەن شەدەۆر، قويۋ كلاسسيكالىق تۋىندى بولسا دا ونىڭ قازىرگى ۇرپاقتىڭ كوزىمەن، تانىمىمەن جاڭا نۇسقاسى ءتۇسىرىلۋى كەرەك. جاڭاسى تۇسىرىلسە ەسكىسى جوعالىپ كەتەدى دەگەن اڭگىمە ەمەس. ۇرپاق الماسقاننان كەيىن، قۇندىلىق جاڭارادى. مارۆەل، حوليۆۋد (گوليۆۋد قوي سول), ديسنەي ونىمدەرىن كورىپ وسكەن ۇرپاققا «ءبىزدىڭ قازاق كينوسى مىناۋ ەدى» دەپ كەڭەستىك تسەنزۋرا ابدەن مۇجىگەن ءفيلمدى قايتىپ كورسەتەسىز. الداعى ون-جيىرما جىلداعى ۇرپاق ءتىپتى ول ءفيلمدى قالاي قابىلدايدى.

قازاق كينوسىندا قادامداپ بولسىن دامۋ بار. 2010 جىلدارداعى فيلمدەردى قاراڭىز، سوڭعى جىلدارداعى جاڭا تۋىندىلاردى قاراڭىز. اباي، احمەت، مىرجاقىپ سەكىلدى تۇلعالارعا تۇسىرگەن تۋىندىلار قانداي تاماشا شىقتى.

جامان-جاقسى بولۋى ول باسقا اڭگىمە. مەنىڭشە، ءبىز قالاي دا باسىپ وتەتىن پروتسەستەردى كەيىنگە شەگەرە بەرمەي، قازىر دە باتىلدىقپەن باسىپ كورۋىمىز كەرەك. جاڭا «قىز جىبەك» ءساتسىز بولسا دا، ەڭ كەمىندە جاڭا بۋىنعا ءوز تانىمىندا بۇرىنعى ءداۋىردىڭ بوياۋىن، ۇلتتىق قۇندىلىقتى ءناسيحاتتايدى.

ءبىز ارينە ع. مۇسىرەپوۆ پەن س.قوجىقوۆ بولا المايمىز، ءتىپتى بولۋعا مىندەتتى ەمەسپىز دە. ءبىز تەك وسى ءداۋىردىڭ ۇرپاعىمىز، وسى ءداۋىردىڭ كوزىمەن قارايمىز، قابىلدايمىز. سوندىقتان وتكەننىڭ ءبارى كەرەمەت دەي بەرمەي، وزىمىزگە دە ۇمىتپەن قاراعانىمىز دا دۇرىس.

ەستاي بوجان

Abai.kz