قازاقستاندا جۇمىس ىستەيتىن ەكىنشى دەڭگەيلى 9 بانك جابىلۋى ىقتيمال. بۇل تۋرالى قارجى نارىعىن رەتتەۋ جانە دامىتۋ اگەنتتىگى اشىق تالقىعا شىعارعان رەتتەۋ ساياساتىنىڭ كونسۋلتاتيۆتىك قۇجات-جوباسىندا جازىلعان.

«قازىرگى ۋاقىتتا قازاقستان نارىعىندا ەكىنشى دەڭگەيلى 21 بانك جۇمىس ىستەيدى. ونىڭ توعىزىن جابۋ بويىنشا جۇمىس ءجۇرىپ جاتىر. بىلتىر اگەنتتىك ەكىنشى دەڭگەيلى بانكتىڭ باسشى لاۋازىمىنا تاعايىندالماق بولعان 13 ۇمىتكەردىڭ كانديداتۋراسىن كەلىسۋدەن باس تارتتى.

ال باعالى قاعازدار نارىعىندا 49 سۋبەكت جۇمىس ىستەيدى. 2022 جىلى اگەنتتىك وسىنداي ۇيىمداردىڭ باسشىسى لاۋازىمىنا ۇسىنىلعان 10 كانديداتتى كەلىسۋدەن باس تارتتى»، - دەپ كورسەتىلگەن اشىق نقا پورتالىندا جاريالانعان رەتتەۋ ساياساتىنىڭ كونسۋلتاتيۆتىك قۇجاتىندا.

سونىمەن بىرگە، بىلتىر قازاقستاندىقتار تاراپىنان بانك جانە ميكروقارجى سەكتورىنداعى ۇيىمدارىنىڭ جۇمىسىنا قاتىستى 35 مىڭنان اسا ءوتىنىش تۇسكەن.

بۇعان قوسا، اتالعان كونسۋلتاتيۆتىك قۇجاتتا ەلىمىزدە مۇمكىندىگى شەكتەۋلى ازاماتتاردىڭ قارجى قىزمەتتەرىنە قولجەتىمدىلىك دەڭگەيى تومەن ەكەنى جازىلعان.

Abai.kz