وعان وسىعان دەيىن ءىرى كولەمدە اقشا ۇرلادى دەگەن كۇدىكپەن قىلمىستىق ءىس قوزعالعان.
"ول دۋبايدا ينتەرپولدىڭ كومەگىمەن ۇستالعان. قازىر باس پروكۋراتۋرا ونى ەكستراديتسيالاۋ ءۇشىن شارالار جۇرگىزىپ جاتىر", - دەدى انتيكوررۋپتسيالىق قىزمەت.
مۇقتاروۆاعا ۋتيل الىم بويىنشا 920 ملن تەڭگە جىمقىردى دەگەن ايىپ تاعىلعان.
وسى اپتادا بۇل ىسكە قاتىستى ەكولوگيا ءمينيسترىنىڭ ورىنباسارى بولعان احمەتجان پىرىمقۇلوۆ جەتى جىلعا سوتتالىپ، وعان ءومىر بويى مەملەكەتتىك قىزمەتتە ىستەۋگە تىيىم سالىندى. سوت شەشىمىنە سايكەس، ول مەملەكەتكە 26,8 ملرد تەڭگە شىعىن كەلتىرگەن.
وسى ىسكە قاتىستى "وپەراتور روپ"-تىڭ بۇرىنعى باسقارما باسشىسى مەدەت قۇمارعاليەۆ پەن بۇرىنعى باس ديرەكتورى سۆەتلانا كوروتەنكوعا دا سوت ۇكىمى شىققان.
"وپەراتور روپ" 2015 جىلى قۇرىلعان جانە ەسكى كولىكتەر ءۇشىن ۋتيل الىم الىپ وتىرعان. بۇل كومپانيانى ەكس-پرەزيدەنت نۇرسۇلتان نازارباەۆتىڭ كىشى قىزىمەن بايلانىستىرادى. سوت وتىرىسى كەزىندە ءاليا نازارباەۆادان سۇراۋ الۋ ۇسىنىلدى. بىراق سۋديا باس تارتقان.
سوڭعى جىلدارى "وپەراتور روپ" جەكە كومپانياسى ۋتيل الىمدى نەگىزسىز الىپ وتىر دەگەن ايىپتار ايتىلدى. رەسمي مالىمەت بويىنشا 2020 جىلدان بەرى ءۇش جىل ىشىندە "وپەراتور روپ" ەسەپ-شوتىنا 220 ملرد تەڭگە تۇسكەن.
2022 جىلى قاڭتار وقيعاسىنان كەيىن ەل پرەزيدەنتى قاسىم-جومارت توقاەۆ تاپسىرماسىمەن "وپەراتور روپ" قىزمەتىنە تىيىم سالىنىپ، ونىڭ اكتيۆتەرى مەملەكەت قاراماعىنا ءوتتى. ۋتيل الىم جۇمىسى 2013 جىلى قۇرىلعان، 100 پايىز اكتسيونەرى مەملەكەتتىك دەپ كورسەتىلگەن "جاسىل دامۋ" كومپانياسىنا بەرىلدى.
Abai.kz
