«قازاقستاندى رەسەيگە بەرەيىك» - قىلمىستىق ءىس قوزعالدى
قازاقستاندى رەسەيگە قوسۋدى ۇسىنعان ۇلىتاۋ وبلىسى تۇرعىنىنىڭ ۇستىنەن قىلمىستىق ءىس قوزعالدى.
«ۇلىتاۋ ۇقكد ازامات سىسوەۆتىڭ ۇستىنەن 180-باپ بويىنشا قىلمىستىق ءىس قوزعادى (قازاقستان رەسپۋبليكاسىنىڭ تۇتاستىعىن بۇزۋدى ناسيحاتتاۋ نەمەسە جاريا تۇردە شاقىرۋ)»،-دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
ءوزىن الەكساندر سەرگەەۆيچ دەپ تانىستىرعان جەزقازعان تۇرعىنى «قازاقستاندى رەسەيگە بەرە سالۋ كەرەك» دەپ سويلەگەن.
ۇلىتاۋ وبلىسىنىڭ پوليتسياسى داۋلى پىكىردىڭ يەسىنە ءتۇسىندىرۋ جۇمىسىن جۇرگىزگەن. كەيىن ونىڭ ۇستىنەن قىلمىستىڭ ءىس اشىلعانى بەلگىلى بولدى.
Abai.kz
