بيىل قاڭتار-مامىر ارالىعىندا ەلىمىزدە 8,7 مىڭ توننا شاي مەن كوفە ءونىدىرىلدى. بۇل وتكەن جىلدىڭ سايكەس كەزەڭىمەن سالىستىرعاندا 35,2%-عا كوپ، دەپ حابارلايدى Energyprom.kz.

قازاقستان بويىنشا شاي مەن كوفە ءوندىرىسىنىڭ جارتىسىنان كوبى الماتى قالاسىنا تيەسىلى. مۇندا 4,7 مىڭ توننا شاي مەن كوفە ءونىمى دايىندالعان. بۇل وتكەن جىلدىڭ ءتيىستى كەزەڭىمەن سالىستىرعاندا 32,6%-عا ارتىق. سونىمەن قاتار، اتالعان تاۋار شىمكەنت قالاسى (2,2 مىڭ توننا) مەن الماتى وبلىسىندا (1,5 مىڭ توننا) دا از وندىرىلگەن جوق.

تەك ماۋسىم ايىنىڭ وزىندە كوفە 1,2%-عا قىمباتتاسا، شايدىڭ باعاسى 0,2%-عا وسكەن. جالپى ءبىر جىل ىشىندە كوفەنىڭ قۇنى - 20%، شاي 14%-عا جوعارىلاعان.

بۇل رەتتە، كوفە باعاسى تۇركىستان وبلىسىندا ء(وسىم 40,5%) ايتارلىقتاي قىمباتتاعان. بۇعان قوسا، اقمولا ء(وسىم 38,5%) مەن ماڭعىستاۋ وبلىستارىندا ء(وسىم 36,1%) كوفە قۇنى كوتەرىلگەن.

ال، شاي قىزىلوردا وبلىسىندا 28,7%-عا ءوستى. ودان كەيىنگى ورىندا شىمكەنت ء(وسىم 27,2%) قالاسى جانە اباي وبلىسى ء(وسىم 21,4%) تۇر.

Abai.kz