سەنبى, 5 ءساۋىر 2025
1828 3 پىكىر 12 شىلدە, 2023 ساعات 12:32

بەلگىلى بوكسشى ەلوردا تۇرعىنىن ۇرىپ-سوقتى

ىشكى ىستەر ءمينيسترىنىڭ ورىنباسارى قايرات سۇنتاەۆ بوكستان بۇرىنعى الەم چەمپيونى بەيبىت شۇمەنوۆتىڭ ساۋدا ورتالىقتارىنىڭ بىرىندە قولىندا بالاسى بار ەر اداممەن توبەلەسكەنىن راستادى.

«ءيا، راستايمىز. قازىر اينالىسىپ جاتىرمىز. بۇزاقىلىق بويىنشا ءىس قوزعالدى»، - دەدى ول ۇكىمەت وتىرىسىنان كەيىن باق وكىلدەرىنىڭ ساۋالىنا وراي.

ونىڭ اتاپ وتۋىنشە، اتالعان فاكتى بويىنشا ساراپتاما جۇرگىزىلىپ جاتىر. زاڭ بۇزۋشىلىق اسا اۋىر ەمەس دەپ باعالانىپ وتىر. سونىمەن قاتار تەرگەۋ بارىسى بەيبىت شۇمەنوۆتىڭ بۇرىنعى كاسىبي سپورتشى ەكەندىگى جاعدايدى اۋىرلاتاتىن ءمان-جاي بولۋى مۇمكىن بە ەكەندىگىن ايقىندايتىن بولادى.

«قىزمەتتىك تەكسەرۋ جۇرۋدە. ول قاتاڭ جازاعا تارتىلادى. كۇنى كەشە مينيستر ماسەلەنى كوتەردى، ول جازالانادى»، - دەدى قايرات سۇنتاەۆ.

مينيستر ورىنباسارىنىڭ ايتۋىنشا، توبەلەس بارىسىندا بالا زارداپ شەكپەگەن. دەگەنمەن، زارداپ شەككەن ازامات بۇرىنعى الەم چەمپيونىن قىلمىستىق جازاعا تارتۋىن تالاپ ەتىپ وتىر.

بۇعان دەيىن الەۋمەتتىك جەلىدە جانە بىرقاتار باق-تا استاناداعى ءىرى ساۋدا ويىن-ساۋىق ورتالىقتارىنىڭ بىرىندەگى فۋت-كورتتا جانجال بولعانىن جازعان ەدى. كەيىنىرەك قولىندا بالاسى بار ەر ادامعا جۇدىرىق الا جۇگىرگەن ازاماتتىڭ كاسىبي بوكسشى بەيبىت شۇمەنوۆ ەكەنى انىقتالعان بولاتىن.

 

Abai.kz

3 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1496
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4217
46 - ءسوز

بىزگە بەيمالىم باراق حان

جامبىل ارتىقباەۆ 3111